Gjumi: Sa është i rëndësishëm dhe çfarë ndodh kur mungon ose tepron

Gjumë i mjaftueshëm është thelbësor jo vetëm për sportistët, por edhe për të gjithë njerëzit. Studimet tregojnë se mungesa ose teprimi i gjumit mund të shkaktojë pasoja serioze për shëndetin fizik dhe mendor.

Roli i gjumit për trupin dhe trurin
Gjumi nuk është një proces pasiv, por një aktivitet intensiv biologjik. Gjatë tij, organet rigjenerohen, sistemi imunitar aktivizohet, dhe informacioni i ditës së kaluar përpunohen, përforcohen kujtimet dhe aftësitë mësimore. Një gjumë i rregullt dhe i thellë është i domosdoshëm për energjinë dhe performancën e përditshme.

Pasojat e mungesës së gjumit
Mungesa e gjumit redukton energjinë, përqendrimin dhe shpejtësinë e mendimit. Në afat të gjatë, ajo rrit rrezikun për sëmundje të zemrës, diabet, probleme me sistemin imunitar, çrregullime hormonale dhe edhe disa lloje kanceri. Humori dhe kapaciteti mendimor gjithashtu dëmtohen.

Gjumi i tepërt nuk është i pafajshëm
Studimet tregojnë se edhe gjumi i tepërt ka pasoja. Personat që flenë më shumë se 9-10 orë përballen me probleme të ngjashme shëndetësore si ata që flenë pak, duke përfshirë rrezikun për obezitet, diabet, presion të lartë të gjakut, dobësim të sistemit imunitar dhe depresion.

Sa orë gjumë na nevojiten?
Nevojat ndryshojnë sipas moshës dhe faktorëve gjenetikë, por për të rriturit një mesatare e shëndetshme është 6-8 orë gjumë çdo natë. Më pak ose më shumë mund të shkaktojë pasoja afatgjata, ndaj ruajtja e një ritmi të rregullt është çelësi për shëndetin.

Gjatë gjumit, trupi dhe truri punojnë intensivisht për të rigjeneruar energjitë, përforcuar kujtimet dhe për të mbajtur sistemin imunitar aktiv, duke bërë kështu që gjumi të jetë një nga faktorët më të rëndësishëm për mirëqenien tonë.

Flaka

279

SONDAZHI

Intervenimi ushtarak i SHBA-ve dhe Izraelit në Iran është në favor të popullatës iraniane, apo jo?

Po, populli po çlirohet nga dikatatura

Jo, populli iranian po persekutohet

• 
• 
• 
• 
• 
• 
•