10 shoferë të arrestuar në aksion policor në mbarë vendin

Gjatë ditës së djeshme, zyrtarë policorë në të gjithë territorin e vendit kanë privuar nga liria gjithsej 10 shoferë, njoftoi Ministria e Punëve të Brendshme (MPB).

Sipas njoftimit, nga një shofer është arrestuar në Shkup, Kumanovë, Veles, Kavadar dhe në rajonin e Manastirit, pasi kanë drejtuar automjet pa patentë shoferi. Shoferi në Kumanovë më herët kishte qenë i përfshirë në një aksident trafiku me motoçikletë, e cila i është konfiskuar. Edhe shoferëve të tjerë u janë konfiskuar automjetet e udhëtarëve.

Nga një shofer në Shkup, Çashkë dhe në rajonin e Prilepit kanë drejtuar automjete edhe pse kishin masë të shqiptuar ndalim për drejtim të mjetit motorik të kategorisë B. Edhe atyre u janë marrë automjetet.

Një shofer në Koçan është kapur duke drejtuar nën ndikimin e alkoolit, ndërsa në rajonin e Radovishit është evidentuar një shofer që ka vozitur me shpejtësi mbi të lejuarën.

Të gjithë personat janë shoqëruar në stacion policor dhe, pas dokumentimit të plotë të rasteve, do të parashtrohen kallëzime përkatëse penale.

Nga MPB apelojnë që të gjithë pjesëmarrësit në komunikacion të respektojnë rregullat dhe dispozitat ligjore, të mos drejtojnë automjet pa patentë, nën ndikimin e alkoolit apo nëse kanë masë ndalimi për drejtim.

Flaka

279

SONDAZHI

Intervenimi ushtarak i SHBA-ve dhe Izraelit në Iran është në favor të popullatës iraniane, apo jo?

Po, populli po çlirohet nga dikatatura

Jo, populli iranian po persekutohet

• 
• 
• 
• 
• 
• 
•