Flick kritikon arbitrimin dhe shpreson për përmbysje ndaj Atletico-s
Botuar nga Drin Zenku
Trajneri i FC Barcelona, Hansi Flick, ka shpërthyer ndaj arbitrimit pas humbjes ndaj Atletico Madrid, duke e konsideruar gjykimin si “katastrofë” dhe duke akuzuar mungesë komunikimi dhe vendime të diskutueshme.
“Në këtë ndeshje arbitri ishte një çmenduri. Unë pashë një pozicion jashtë loje që nuk ekzistonte. Çfarë u morën… shtatë minuta për ta kontrolluar? Po përpiqeshin të gjenin diçka për ta anuluar. Nuk ka komunikim të qartë — ne nuk e morëm atë”, tha Flick pas sfidës.
Trajneri gjerman analizoi edhe lojën e ekipit, duke theksuar se Barcelona nuk tregoi intensitet në pjesën e parë dhe se hapësirat mes lojtarëve ishin shumë të mëdha. Ai theksoi se Atletico tregoi më shumë vullnet dhe uri për të shënuar, gjë që Barcelona duhet ta mësojë për ndeshjen e kthimit.
“Nuk luajtëm mirë në pjesën e parë. Nuk luajtëm si ekip. Hapësirat mes lojtarëve ishin shumë të mëdha, nuk ushtruam presing. Ishte shumë zhgënjyese të shihej kjo”, shtoi Flick.
Ai gjithashtu konfirmoi se ndryshimi i Casadó-s ishte i domosdoshëm për shkak të kartonit të verdhë dhe për të shmangur një ndëshkim në pjesën e dytë.
Megjithatë, trajneri mbetet optimist për ndeshjen e kthimit: “Për ndeshjen e dytë kemi dy gjysma. Mendoj se kemi kapacitet për të fituar secilën gjysmë 2-0. Do të luftojmë për ta arritur këtë.”
Flaka
Botuar nga Drin Zenku
2,8 miliardë euro në bixhoz: simptomë e një shoqërie në pasiguri – Çfarë flet sociologjia për fenomenin?
