Kujdes me vajin e ullirit: Si të ruani shijen dhe vlerat ushqimore

Vaji i ullirit është i njohur për vlerat e tij të pakrahasueshme ushqimore dhe përfitimet shëndetësore, duke qenë një nga vajrat më të këshillueshëm nga ekspertët. Ai përdoret në çdo lloj gatimi dhe përmban vetitë kurative, por mënyra e ruajtjes së tij është kyçe për të ruajtur cilësinë dhe shijen.

Sipas ekspertes Dr. Mine Gyngörmyshler, vaji i ullirit nuk duhet të ruhet në shishe plastike ose xhami të tejdukshme dhe duhet mbajtur larg rrezeve të diellit. “Këto kushte nuk janë aspak të përshtatshme për ruajtjen e vajit të ullirit. Përdorimi i një vaji të tillë, pa datë skadence ose vulë kontrolli, dhe i ekspozuar në diell, nuk është aspak i këshillueshëm. Pa u siguruar për datën e prodhimit dhe kushtet e ruajtjes, mos e blini,” shprehet ajo.

Ekspertja jep disa këshilla praktike për ruajtjen e vajit:

• Ruajeni vajin në shishe xhami me ngjyrë ose porcelani.
• Mbajeni në një vend të errët dhe të thatë, larg dritës, oksigjenit, nxehtësisë dhe lagështisë.
• Kontrolloni gjithmonë datën e prodhimit dhe vulën e kontrollit.

“Drita, oksigjeni, nxehtësia dhe lagështia ndikojnë në humbjen e vlerave të vajit. Për të pasur një vaj të cilësisë së lartë dhe shije të mrekullueshme, ruajeni sipas këtyre udhëzimeve,” përfundon Dr. Gyngörmyshler.

Flaka

274

SONDAZHI

Intervenimi ushtarak i SHBA-ve dhe Izraelit në Iran është në favor të popullatës iraniane, apo jo?

Po, populli po çlirohet nga dikatatura

Jo, populli iranian po persekutohet

• 
• 
• 
• 
• 
• 
•