Një orë më pak TV, mbi 40% ulje e rrezikut për depresion

Një studim i ri tregon se ndryshime të vogla në stilin e jetesës mund të kenë ndikim të madh në shëndetin mendor. Studiues nga University of Groningen analizuan të dhënat e 65,454 të rriturve holandezë, pjesë e studimit afatgjatë Lifelines, dhe zbuluan se zëvendësimi i vetëm një ore në ditë para televizorit me aktivitet fizik, lëvizje gjatë udhëtimit apo edhe gjumë mund të ulë rrezikun për depresion të madh me mbi 40%.

Sipas studiuesve, efektet janë më të dukshme tek personat e moshës së mesme:

• 1 orë më pak TV → 20% rrezik më i ulët për depresion
• 90 minuta më pak → 29% ulje
• 2 orë më pak → 43% ulje

Edhe zëvendësimi i vetëm 30 minutave me aktivitet sportiv uli rrezikun me 18%. Tek të moshuarit, përfitimet më të mëdha vihen re kur TV-ja zëvendësohet me sport, për shkak të aspektit social të aktivitetit fizik që lufton vetminë, një faktor i njohur rreziku për depresion.

Pse TV-ja mund të jetë problem?
Aktiviteti i pasiv mendërisht, si shikimi i televizorit, mund të ndikojë në:

• Çrregullime të dopaminës
• Konsum më të lartë të ushqimeve jo të shëndetshme
• Izolim social

Analizat e mëparshme tregojnë se çdo orë shtesë para televizorit lidhet me 5% rritje të rrezikut për depresion. Ekspertët sugjerojnë që ndërhyrjet shëndetësore të fokusohen në reduktimin e kohës para ekranit, jo vetëm në uljen e qëndrimit ulur.

Aktiviteti fizik si “ilaç” natyral
Aktivitetet aerobike si vrapimi, noti apo kërcimi mund të jenë trajtim i linjës së parë për depresionin e lehtë dhe ankthin. WHO rekomandon të paktën 150 minuta aktivitet fizik me intensitet mesatar ose 75 minuta aktivitet intensiv në javë.

Ndryshime të vogla, si zëvendësimi i një ore TV me lëvizje, gjumë ose aktivitet social, mund të jenë një investim i madh për mirëqenien mendore afatgjatë.

Flaka

11

SONDAZHI

Cili është vlerësimi juaj për punën e Gjykatës Kushtetuese? 

Instrument i pushtetit të VMRO-DPMNE

Mbron Kushtetutën

Nuk kam mendim

• 
• 
• 
• 
• 
• 
•