Barcelona synon Julian Alvarez si zëvendësues për Lewandowskin, por çmimi mund të arrijë 200 milionë euro
Botuar nga Drin Zenku
Barcelona ka vendosur si prioritet për vitin 2026 transferimin e një sulmuesi të ri që do të zëvendësojë Robert Lewandowskin në planin afatgjatë. Megjithëse sulmuesi polak mbetet vendimtar me gola, mosha 37-vjeçare dhe fakti që sezoni aktual mund të jetë i fundit i tij në Camp Nou kanë shtyrë drejtuesit katalanas të kërkojnë një alternativë të fortë për të ardhmen.
Objektivi kryesor është Julian Alvarez, sulmuesi argjentinas i Atletico Madrid, i cili shihet si profili ideal për projektin e ri sportiv të Barcelonës. Raportimet e fundit sugjerojnë se Alvarez është i hapur për një transferim në Kataloni pas Kupës së Botës.
Megjithatë, operacioni pritet të jetë shumë i vështirë financiarisht. Atletico Madrid ka investuar shumë për ta sjellë Alvarezin nga Manchester City dhe kontrata e tij me klubin madrilen skadon në vitin 2030. Burimet pranë klubit bëjnë me dije se drejtuesit e Atleticos kërkojnë të paktën 200 milionë euro për ta lënë të lirë sulmuesin, ndërsa po shqyrtojnë edhe mundësinë e zgjatjes së kontratës për të shmangur interesimin e Barcelonës.
Për të realizuar një transferim kaq të madh, Barcelona do të duhet të gjenerojë të ardhura nga shitja e lojtarëve. Emra si Frenkie de Jong, Marc Casado dhe Ronald Araujo përmenden si kandidatët kryesorë për t’u larguar, në mënyrë që klubi të sigurojë fondet e nevojshme për të mbyllur këtë operacion rekord në merkato.
Flaka
Botuar nga Drin Zenku
2,8 miliardë euro në bixhoz: simptomë e një shoqërie në pasiguri – Çfarë flet sociologjia për fenomenin?
