Ali Khamenei eliminohet, dyshime për tradhti në zemër të regjimit

Vdekja e Udhëheqësit Suprem të Iran, Ali Khamenei, e konfirmuar pas sulmeve ajrore të ndërmarra nga Izrael dhe Shtetet e Bashkuara të Amerikës, ka hapur një kapitull të ri tensioni në rajon dhe ka ngritur pikëpyetje serioze mbi sigurinë e brendshme të regjimit në Teheran.

Sipas raportimeve, Khamenei ndodhej në një takim konfidencial me këshilltarët e tij më të afërt në një kompleks presidencial, kur informacioni për vendndodhjen dhe orarin e saktë të mbledhjes dyshohet se u përçua tek shërbimi sekret izraelit Mossad. Burime mediatike pretendojnë se agjentë të infiltruar kishin të dhëna të detajuara mbi sallën, pjesëmarrësit dhe pozicionin e liderit suprem në momentin e sulmit.

Presidenti amerikan Donald Trump reagoi përmes platformës së tij “Truth Social”, duke konfirmuar lajmin dhe duke e cilësuar Khamenei-n si një nga figurat më të errëta historike. Ndërkohë, transmetuesi izraelit Channel 12 raportoi se trupi i liderit iranian u identifikua mes rrënojave të kompleksit presidencial.

Dyshime për tradhti në nivelet më të larta

Spekulimet më të forta lidhen me mundësinë e një infiltrimi në nivelet më të larta të strukturës shtetërore dhe ushtarake iraniane. Emri që përmendet më shpesh është ai i gjeneralit Ismail Qaani, komandant i “Forcës Quds” të Gardës Revolucionare, i cili pasoi Qasem Soleimani pas vdekjes së tij. Qaani konsiderohej ndër figurat që gëzonin besimin e plotë të Khamenei-t.

Teori të ndryshme, të mbështetura kryesisht në koincidenca dhe jo në prova zyrtare, ngrenë dyshime mbi rolin e tij, pasi ai thuhet se i ka mbijetuar disa operacioneve të mëparshme izraelite ku janë eliminuar figura të tjera kyçe, përfshirë liderin e Hezbollah, Hassan Nasrallah, si dhe pasardhësin e tij të përfolur Hashem Safieddine.

Reagime dhe ironi në rrjetet sociale

Në platformën X, përdorues të ndryshëm – përfshirë llogari që pretendohet se kanë lidhje me Mossad-in – kanë publikuar komente ironike, duke mohuar përfshirjen e shërbimit sekret në mënyrë sarkastike. Shumë komentues iranianë kritikë ndaj regjimit kanë përdorur humorin për të aluduar mbi përmasat e mundshme të infiltrimit në strukturat shtetërore.

Ndërkohë, në mungesë të një deklarate zyrtare të detajuar nga autoritetet iraniane mbi rrethanat e sakta të sulmit, mbetet e paqartë se kush ka qenë burimi i informacionit që çoi në goditjen fatale. Megjithatë, një gjë është e sigurt: pasojat politike dhe gjeostrategjike të këtij zhvillimi pritet të jenë të thella, si brenda Iranit ashtu edhe në gjithë rajonin. Gazeta Flaka

279

SONDAZHI

Intervenimi ushtarak i SHBA-ve dhe Izraelit në Iran është në favor të popullatës iraniane, apo jo?

Po, populli po çlirohet nga dikatatura

Jo, populli iranian po persekutohet

• 
• 
• 
• 
• 
• 
•