24 maji, dita e Shën Kirilit dhe Metodit, Xhaferi në një audiencë me Papa Françeskun

Redaksia
Publikuar nga Redaksia 24 Maj, 2023 19:26

24 maji, dita e Shën Kirilit dhe Metodit, Xhaferi në një audiencë me Papa Françeskun

Kreu i Kuvendit Talat Xhaferi në Romë realizoi takim me Papa Françeskun në suaza të udhëheqjes së delegacionit shtetëror dhe kishtar për shënimin e datës së iluministëve maqedonas Shën Kirili dhe Metodi. Xhaferi theksoi se në Audiencë te Papa Françesku por edhe në takim me kardinalin u fol për çështjet e hapura rreth pronës dhe shpronësimit të Kishës Katolike në RMV dhe për mundësinë e hapjes së Përfaqësisë së Selisë së Shenjtë në Maqedoninë e Veriut, ndërkaq është diskutuar edhe për integrimin Evropian të vendit dhe ndryshimet kushtetuese.

“Gjithsesi se u hap edhe tema e mundësisë së hapjes së Përfaqësisë së Selisë së Shenjtë në RMV, për faktin se RMV-ja ka ambasadën e saj në Vatikan, kështu që janë tema për të cilat ka dispozicion-disponim dhe gjithsesi se u zotuam se do të ndërmerren aktivitete përkatëse për atë që të hapet Përfaqësia e Selisë së Shenjtë në Shkup. Normal që në suaza të bisedimeve u hapën edhe çështjet e situatës në rajon dhe në vend.”, tha kryetari i Kuvendit të RMV-së, Talat Xhaferi.

Xhaferi mes tjerash tha se në kontekst të përpjekjeve për integrimet evropiane, anasjelltas u informuam për çështjet që kanë të bëjnë procesin integrues, gjithsesi që kishin interes për aspektin e nevojës së hapjes së Kushtetutës dhe hapa pasuese të RMV-së për hapjen e negociatave për integrimin në BE.

Redaksia
Publikuar nga Redaksia 24 Maj, 2023 19:26