“27 prilli”, Janakieski merret në pyetje në prokurori
Ish-ministri i transportit, Mile Janakieski, është marrë në pyetje në Prokurorinë për Krim të Organizuar dhe Korrupsion në lidhje me hetimet për dhunën në kuvend dy vite më parë.
Janakievski, që gjendet në paraburgim shtëpiak, ngarkohet se është një prej organizatorëve të sulmeve në Kuvend prej 27 prillit të vitit 2017, së bashku me Nikolla Gruevskin, Mile Janakieskin, Spiro Ristovskin dhe Nikolla Boshkovskin. Ata janë të dyshuar për veprën penale “rrezikim terrorist të rendit kushtetues dhe sigurisë”.
Më 16 prill, prokuroria mori në pyetje edhe ish-kryetarin e kuvendit, Trajko Veljanovski. Për dhunën në Kuvend më 15 mars të këtij viti në dënimin e përgjithshëm prej 211 vitesh u dënuan 16 persona.
Dënim më të lartë prej 18 viteve mori ish ministri i punëve të brendshme dhe drejtori i BSP-së, Mitko Çavkov.
Një pjesë e të dënuarve kanë kërkuar falje nga presidenti Ivanov.
Nga kabineti i shefit të shtetit nuk ka ende përgjigje se si do të veprohet me këto kërkesa, ndërkohë që mazhoranca dhe ekspertët kanë sqaruar se presidenti nuk ka të drejtë ligjore t’i falë ata.