Bexheti përgënjeshtron Mexhitin: Askush nuk largohet nga Fronti Europian

Botuar nga Flaka 19 Maj, 2025 22:23

Koordinatori i Grupit Parlamentar të Frontit Europian, Blerim Bexheti, ka mohuar pohimet e zv/kryeministrit Izet Mexhiti, i cili ditë më parë deklaroi se 3 ose 4 deputetë të Frontit pritet t’i bashkohen koalicionit VLEN, njofton Flaka

Në një prononcim për Televizionin Shenja, Bexheti i quajti të pavërteta këto deklarime, duke theksuar se Mexhiti po flet në bazë të supozimeve personale dhe jo fakteve.

“Në kontinuitet deklaron se tre deputetë, dy deputetë – liciton me numra – pasi sigurisht niset nga parimi i vetëvetes, duke llogaritur se duhet t’i shërbejë dikujt dhe mendon se edhe deputetët tjerë do të nënshtrohen dhe do të luajnë lojën e tij, siç preferon ai ta quajë lojë, ndonëse situata është jashtëzakonisht serioze”, deklaroi Bexheti.

Ai më tej theksoi se Mexhiti, pasi doli nga BDI, është shndërruar në një “zëdhënës të VMRO-DPMNE-së”.

Bexheti gjithashtu u bëri thirrje deputetëve shqiptarë që të vetëdijësohen dhe të mos mbështesin veprimet e Qeverisë, të cilat, sipas tij, janë në thelb anti-shqiptare.

Sa i përket marrëdhënieve me Aleancën për Shqiptarët të Arben Taravarit, Bexheti sqaroi se deri më tani nuk ekziston asnjë marrëveshje apo koalicion zyrtar me këtë parti.

Në lidhje me ndarjen e komunave dhe zgjedhjet, ai tha se ende është herët për diskutime konkrete, por përsëriti qëndrimin e Frontit Europian për mbajtjen e zgjedhjeve parlamentare njëkohësisht me ato lokale. Flaka Media

Botuar nga Flaka 19 Maj, 2025 22:23

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media.