Kryetari i sapo zgjedhur i Komunës së Tetovës dhe njëherit edhe kryetar i Lëvizjes Besa, Bilall Kasami sonte në ClickPlus në TV21, i pyetur se a do të dorëhiqet si kryetar i Besës për t’iu përkushtuar detyrës si kryetar i Tetovës, tha se fokusi i tij do të jetë në implementimin e programit të ofruar para qytetarëve.
“Fokusi im do të jetë në implementimin e programit të ofruar para qytetarëve. Sa i përket interesit partiak, nuk është çështja a është Billall Kasami kryetar i Lëvizjes Besa, por është interesi i partisë dhe interesi i qytetarëve që qytetarët të kenë përfaqësim sa më të mirë përmes një partie politike e cila do të jetë përfaqësuesja e tyre edhe në pushtetin qëndror edhe në pushtetin lokal”, tha Kasami.
