Ademi: Viti shkollor nuk do të përsëritet

Desk
By Desk April 29, 2020 17:33

Ademi: Viti shkollor nuk do të përsëritet

Ministri i Arsimit dhe Shkencës Arbër Ademi, sot tha se viti shkollor nuk do të përsëritet, derisa e vlerësoi si të suksesshëm realizimin e mësimit online.

Ai tha se kjo është gjë e mirë për të gjithë nxënësit në vend, përcjell Telegrafi Maqedoni.

“Reaguam shpejt dhe me efikasitet. Ndërprerja e procesit arsimor zgjati vetëm disa ditë dhe pastaj filloi në mënyrë online të realizohet. Viti shkollor filloi të realizohet, që nënkupton se ky vit shkollor nuk do të përsëritet. Ky ishte opsioni më i mirë kur nuk ka opsion tjetër”, tha Ademi.

Ai foli edhe për maturën shtetërore, me ç’rast përmendi se tani për tani po shqyrtohen dy propozime, njëri që provimi në fjalë të mbahet gjatë muajit qershor dhe tjetri që ky provim të shlyhet për këtë gjeneratë të maturantëve.

Megjithatë, ai tha se këto propozime dhe një sërë masash të tjera do të shqyrtohen në mbledhjet e ardhshme të Qeverisë.

Desk
By Desk April 29, 2020 17:33