Akuzat e Mickovskit, LSDM: I dyshuari i PSP-së, paraqitet si viktimë

Redaksia 2 vjet ago

Përpjekje e fundit për të shpëtuar nga krimi që kanë bërë. Kështu LSDM vlerësoi pres konferencën e liderit të VMRO-DPMNE-së Hristijan Mickovski.

Sipas partisë në pushtet, as Mickovski, as VMRO, nuk do të mund të amnistohen nga krimet e bëra dhe nuk do të mund ta mbajnë peng miratimin e ligjit për prokurorinë themelore publike.

“Ajo që ishte e qartë që nga fillimi, Hristijan Mickovski e vërtetoi me konferencën e fundit. Të dyshuarin kryesor në një nga rastet e PPS-së , “Perandoria”, Hristijan Mickovski u mundua ta paraqet si viktimë. Agjenda e vetme e VMRO-DPMNE-së dhe Hristijan Mickovski ishte dhe do të mbetet mbrojtja e kriminelëve të VMRO-DPMNE-së” – tha zëdhënësi i LSDM-së, Kostadin Kostadinov.

Nga LSDM thonë meqë Mickovski pranoi se është takuar me të dyshuarit në rastin “Zhvatja”, atëherë ai duhet të jep përgjigje edhe për atë se çfarë ka pranuar në dorë dhe se a është takuar me, siç thonë, “autorin e teksteve” në Budapest.

Sa i përket protestave të paralajmëruara nga Mickovski, socialdemokratët vlerësojnë se VMRO-DPMNE që moti ka humbur përkrahjen e popullit.

“Protesta të ngjajshme, VMRO-DPMNE ka paralajmëlruar edhe para zgjedhjeve presidenciale. U mbajtën disa dhe u zhdukën. Nuk kishte mbështetje nga qytetarët dhe në fund mbeti i vetëm me Janko Baçevin. E njejta do tu ndodh edhe tani.” – theksoi Kostadinov.

Çdo tentim i VMRO-së për të penguar rastet që janë në rrjedhë, sipas LSDM-së është i kotë. Secili që ka shkelur ligjin do të përgjigjet, thonë social-demokratët. (TVM2)