Ali Ahmeti: 28 Nëntorët e kombit kanë vulosur përjetësinë tonë kombëtare

Drin Zenku
Publikuar nga Drin Zenku 28 Nëntor, 2022 12:43

Ali Ahmeti: 28 Nëntorët e kombit kanë vulosur përjetësinë tonë kombëtare

T&S

Kryetari i Bashkimit Demokratik për Integrim, Ali Ahmeti ka lëshuar urim me rastin e Ditës së Flamurit- Ditës së Pavarësisë së Shqipërisë.

Urimin e tij, Ahmeti e ka filluar duke cituar fjalët e të madhit, Mit’hat Frashëri, “Në robni puna jonë është lufta. Në liri lufta jonë është puna”, raporton indeks.mk

Ahmeti mes tjerash ka thënë se 28 Nëntorët e kombit kanë vulosur përjetësinë tonë kombëtare.

Urimi i plotë:

“Në robni puna jonë është lufta. Në liri lufta jonë është puna” do të thoshte dikur Mit’hat Frashëri, fjalë që përshkruajnë më së miri rrugëtimin e kombit tonë, mentalitetin e drejtë të tij për të mbrojtur identitetin, trojet e të parëve, dinjitetin dhe synimin e ardhmërisë së ndritur të gjeneratave.

28 Nëntorët e kombit kanë qenë çastet që kanë vulosur përjetësinë tonë kombëtare, i kanë dhënë krahë shqipes në flamur, zë gjuhës sonë të bukur dhe gjakun e pastër të bijve që rrënjët e tokës sonë të qëndrojnë përjetë të lira.

Urime të gjithë shqiptarëve kudo që ndodhen 579 vjetorin e ngritjes së flamurit kombëtar nga Skenderbeu, 110 vjetorin e pavarësisë së Shqipërisë, 25 vjetorin e daljes së parë në skenë të Ushtrisë Çlirimtare të Kosovës dhe ditëlindjen e komandantit legjendar Adem Jashari!

Drin Zenku
Publikuar nga Drin Zenku 28 Nëntor, 2022 12:43