Angela Price Aggeler ambasadore e re e SHBA-ve në Shkup

Linda Limani
Publikuar nga Linda Limani 5 Gusht, 2022 11:39

Angela Price Aggeler ambasadore e re e SHBA-ve në Shkup

Angela Price Aggeler është konfirmuar si ambasadorja e re e SHBA-së në Maqedoninë e Veriut, njoftuan përmes “Twitter” shumica e demokratëve në Senat.

Ajo zëvendëson Kate Marie Byrnes, e cila ka shërbyer si ambasadore e SHBA në Shkup që nga viti 2019, shkruan “Zëri i Amerikës”.

Javën e kaluar, Komisioni i Senatit për Marrëdhëniet me Jashtë mbajti një seancë dëgjimore për emërimin e saj, në të cilën ajo njoftoi se po punon “për të ndihmuar Maqedoninë e Veriut që të zhvillojë një strategji kombëtare ku do kërkohet përgjegjësi nga aktorët e korruptuar”.

“SHBA dhe Maqedonia e Veriut kanë shumë prioritete të përbashkëta, duke përfshirë luftën kundër korrupsionit, përmirësimin e sundimit të ligjit dhe forcimin e qeverisjes së mirë. Nëse konfirmohem, do të inkurajoj reformat në drejtësi dhe do t’u bëj thirrje institucioneve të Maqedonisë së Veriut që të promovojnë transparencën në hetimin e akuzave për abuzime dhe të përballen me vendosmëri kundër korrupsionit, për të forcuar besimin e qeverisë në opinion. Do të punoj me partnerë ndërinstitucionalë për të ndihmuar Maqedoninë e Veriut të zhvillojë një strategji kombëtare që në mënyrë efektive të mban përgjegjës aktorët e korruptuar”, u shpreh Aggeler.

Ai shtoi gjithashtu se do të punoj për të mbështetur të ardhmen ekonomike të Maqedonisë së Veriut përmes politikave për të forcuar klimën e saj të investimeve, forcimin e infrastrukturës, përmirësimin energjetik, diversitetin dhe sigurinë dhe ndërtimin e rezistencës ndaj ndikimeve të jashtme keqdashëse, duke përfshirë Rusinë dhe Kinën”, tha Aggeler

Aggeler gjithashtu tha se SHBA-të mbështesin Maqedoninë e Veriut në qëllimin e saj afatgjatë për t’u bashkuar me BE-në.

Linda Limani
Publikuar nga Linda Limani 5 Gusht, 2022 11:39

Marketing Politik - Çmimore

Presidenciale | Parlamentare