Apple vë Google në pozitë të vështirë: Ata zbuluan më shumë sesa donin

Tashmë dihet që Google mbledh shumë të dhëna për secilin prej nesh, por sa dhe çfarë, më në fund u zbulua pasi që Apple prezantoi rregulla të reja të privatësisë.

Në fakt, si pjesë e sistemit operativ iOS 14, u prezantuan rregulla të reja të privatësisë, të cilat tronditën industrinë e reklamave.

Edhe pse Apple nuk do të bllokojë reklamuesit nga gjurmimi i përdoruesve gjatë shfletimit të internetit dhe përdorimit të shërbimeve të ndryshme, ajo i detyroi zhvilluesit të tregojnë se çfarë të dhënash mbledh aplikacioni dhe për çfarë i përdor, por gjithashtu të marrë aprovimin nga përdoruesit për një koleksion të tillë.

Sigurisht, kompanive të mëdha si Facebook dhe Google nuk u pëlqente kjo, pasi burimi i tyre kryesor i të ardhurave vjen nga reklama shumë të personalizuara. Megjithëse ata kundërshtuan me zë të lartë lëvizjen e Apple, ata ende duhej të pajtoheshin me kushtet e reja.

Kështu, Google zbuloi se mbledh informacione të tilla si historiku i kërkimit, blerjet, vendndodhjet, informacionet e kontaktit, informacionet e kontaktit nga libri i telefonit, informacioni i pëlqimit i dhënë nga përdoruesit, të dhënat e ID-së, të dhënat e përdorimit të aplikacionit, por edhe të dhëna diagnostikuese të aplikacionit.

Sidoqoftë, duhet të theksohet se sasia e të dhënave që Google mbledh shumë ndryshon nga një aplikacion në tjetrin. Për shembull, ndërsa aplikacioni Gmail mbledh vendndodhjen, emrin e përdoruesit dhe të dhënat e reklamës për reklamuesit e tij, YouTube shkon më tej.

Si të kontrolloni se cilat të dhëna mbledh një aplikacion?

Përveç gjithçka që mbledh Gmail, YouTube gjithashtu regjistron vendndodhjen, adresën fizike, emailin, emrin, numrin e telefonit, historinë e kërkimit dhe shfletimit, emrin e përdoruesit dhe ID-në e pajisjes, si dhe informacionin në lidhje me reklamuesit dhe ndërveprimin e produktit.

Sikurse Google, ashtu edhe Facebook kanë mbledhur këto të dhëna më parë, por nuk kanë deklaruar haptazi se çfarë saktësisht mbledhin dhe për çfarë përdoren. Për shembull, kjo përfshin monitorimin nëse disa të dhëna përdoren për të krijuar një profil përdoruesi dhe për të identifikuar përdoruesin.

Nëse dëshironi të shihni se cili aplikacion mbledh të dhëna, mund ta bëni nga App Store – thjesht kërkoni për aplikacionin për të cilin dëshironi të mësoni, dhe më pas në seksionin “Privatësia e aplikacionit” për të kontrolluar se çfarë është mbledhur nga të dhënat.

Për fat të keq, përdoruesit e Android nuk e kanë këtë mundësi, të paktën tani për tani.