Me datë 02.03.2023 në ora 21:20 në afërsi të Krivollakut, zyrtarë policorë kanë ndaluar 47 vjheçarin B.G. nga fshati Vollkovë e Shkupit.
“Gjatë kontrollit të automjetit “Mercedes” me targa të Shkupit, të cilin e drejtonte, janë gjetur 6 emigrantë (3 nga Pakistani, 2 nga Siria dhe 1 nga Egjipti).
Më herët, në orën 20:30, automjeti është vërejtur në rrugën rajonale Demir Kapi-Negotinë, por nuk është ndalur në shenjën e ndalimit të policisë. Pasi kanë arritur në Krivollak, shoferi dhe emigrantët kanë tentuar të ikin, por janë kapur nga policia.
Emigrantët janë akomoduar në një qendër transitore, ndërsa për rastin është njoftuar Prokurori Publik, dhe pas dokumentimit të plotë të rastit do të parashtrohet kallëzim përkatës”, thuhet në njoftimin e MPB-së.
