AShMAA: Sonte afati i fundit për publikim të anketave

Desk
By Desk 15 Prill, 2019 19:16

Sot është afati i fundit për publikimin e rezultateve nga hulumtimi i mendimit publik.

“Sipas Kodit Zgjedhor, anketat e mendimit publik mund të publikohen më së voni pesë ditë para datës së caktuar për votim, gjegjësisht më së voni deri në mesnatë më 15 prill 2019”,- thuhet në një kumtesë të Agjencisë për Shërbime Mediatike Audio dhe Audiovizuele.

Po ashtu Agjencia përkujton se heshtja zgjedhore fillon 24 orë para ditës së votimit, gjegjësisht nga mesnata e 20 prillit të vitit 2019 dhe përfundon me mbylljen e vendvotimeve në orën 19 më 21 prill të vitit 2019.

Radiodifuzerët gjatë heshtjes zgjedhore vazhdojnë të raportojnë për aktivitetet e Komisionit Shtetëror Zgjedhor dhe për procesin zgjedhor në ditën e votimit, por nuk guxojnë të publikojnë çfarëdo lloj informacionesh, fotografive, materialeve audio dhe audiovizuele të cilat kanë lidhje ose në të cilat marrin pjesë pjesëmarrës në zgjedhje.

Desk
By Desk 15 Prill, 2019 19:16