Barcelona gjen pasuesin e Suarezit te PSV

Barcelona gjen pasuesin e Suarezit te PSV

Me Luis Suarez thuajse 33-vjeçar, Barcelona është vënë në kërkim të një tjetër sulmuesi që të zëvendësojë uruguaianin dhe në krye të listës tashmë ndodhet holandezi Donyell Malen.

Ky i fundit në janar pritet të mbushë 21 vjeç dhe prej verës së 2018-ës aktivizohet me gjigantët e PSV Eindhoven, ku në 44 ndeshje, ka arritur të shënojë 20 gola.

Edhe më bindëse janë shifrat e Malen, nëse i referohemi vetëm këtij sezoni, ku ka shënuar 10 herë në vetëm 9 takime, ndërsa ka debutuar edhe me kombëtaren holandeze, ku ka luajtur 3 ndeshje dhe ka shënuar një gol.

Malen ndiqet prej kohësh edhe nga Arsenal, por futja në garë e Barcelonës mund të ndryshojë krejtësisht situatën, pasi katalanët janë një emër joshës për të gjithë të rinjtë.

Për më tepër, klubi “blaugrana” ka gati një ofertë prej 60 milionë eurosh për të marrë në “Camp Nou” sulmuesin holandez, mbi të cilin do të bjerë barra më pas të zëvendësojë një emër si Luis Suarez.

Redaksia Flaka
nga Redaksia Flaka Tetor 14, 2019 20:42

HAPËSIRË E SPONSORIZUAR

Loading...

© FLAKA.COM.MK - Derisa keni vendosur të merrni përmbajtje nga kjo faqe, në tërësi pajtoheni me kushtet e përdorimit.

REKLAMA