Barcelona kërkon nga Neymar të pres edhe një vit për rikthimin në “Camp Nou”

Barcelona është e hapur ta mirëpres yllin e PSG-së, Neymar në klub, por me një kusht që ai t’iu bashkohet si agjent i lirë në vitin 2022.

Braziliani vazhdon të negociojë me PSG-në që të rinovojë deri në vitin 2026, por nga ana tjetër vazhdon të ëndërrojë kalimin në “Camp Nou”, transmeton lajmi.net.

Sipas Mundo Deportivo, rikthimi i Neymar te Barcelona është shumë i mundshëm, por katalunasit nuk do mund ta realizojnë transferimin, nëse lojtari rinovon kontratën.

Momentalisht, klubi është fokusuar në rinovimin me Messin dhe transferimin e disa yjeve të tjerë si Eric Garica, Sergio Aguero ose Erling Haaland.

Këtë edicion Neymar ka shënuar 13 gola dhe dhuruar gjashtë asistime, por lëndimi i fundit shkaktoi të mos jetë i pranishëm në ndeshjen ndaj ish klubit, Barcelonës në 1/16 e Ligës së Kampionëve.