Barcelona vazhdon me rezultate zhgënjyese, barazon kundër Celta Vigos

Redaksia
Publikuar nga Redaksia 6 Nëntor, 2021 21:20

Barcelona vazhdon me rezultate zhgënjyese, barazon kundër Celta Vigos

Gjigandi katalunas Barcelona nuk është duke kaluar nëpër një formë të mirë këtë sezon, ku sot regjistroi barazim me rezultat 3:3 kundër skuadrës së Celta Vigos.

“Blaugranët” kishin epërsinë prej tre golave në këtë ndeshje nga pjesa e parë, por skuadra vendase arriti që në pjesë të dytë të shënojë tre gola.

Fillimisht, rezultatin e zhbllokoi sulmuesi Ansu Fati në minutën e 5’ të ndeshjes, kurse mesfushori Sergio Busquets shënon në minutën e 18’ për ta thelluar epërsinë në 2:0.

Golin e tretë për Barcelonën e shënoi sulmuesi holandez Memphis Depay, i cili përmes një asistimi të Jordi Albas, shënon në minutën e 34’ për 3:0.

Pjesën e dytë e nisi më mirë skuadra e Celta Vigos, ku edhe shënoi tre gola për t’ia mohuar Barcelonës pikët e plota.

Sulmuesi Iago Aspas shënon golin e parë për Celtan në minutën e 52’, kurse Nolito e ngushton rezultatin në 3:2 në minutën e 74’ të ndeshjes.

Golin e barazimit dhe të një pike të vlefshme për skuadrën e Celtas e shënoi përsëri Iago Aspas, i cili shënon në minutën e 90’+6 shtesë për rezultatin përfundimtar 3:3.

Me pikët e reja, skuadra e Celta Vigos zë vendin e 14 në tabelë me gjithsej 12 pikë, pesë sosh më pak se kundërshtari i sotëm Barcelona, e cila pozicionohet në vendin e nëntë.

Redaksia
Publikuar nga Redaksia 6 Nëntor, 2021 21:20