Bejta: Njëri kandidat nuk i njeh ndryshimet e fundit në vend dhe ndjek politikat anti – perëndimore

Redaksia 2 vjet ago

Në takimin me banorët e Banjicës së poshtme, Banjicë së epërme, dhe lagjes Dutllëk, shtabi zgjedhor i degës së Bashkimit Demokratik për Integrim në Gostivar, vijoi fushatën parazgjedhore për zgjedhjet presidenciale të 21 Prillit.

Para banorëve dhe stukturës partiake nga vendbanimet e lartëpërmendura, Kryetari i degës dhe njëherit nënkryetar i BDI-së, z. Nevzat Bejta, mes të tjerash theksoi që kandidatura e përbashkët e Stevo Pendarovskit është në linjë me politikat e moderuara pro – evropiane dhe integruese të vendit, si dhe konform politikës së faktorit ndërkombëtar.

“Kemi tre kandidatë për kryetar të shtetit. Njëri kandidat nuk i njeh ndryshimet e fundit në vend dhe ndjek politikat destruktive që nxiten nga Rusia në vendet e Ballkanit perëndimor. Tjetri kandidat i cili është shqiptar nuk mund të zgjidhjet president, sepse nuk i ka votat e mjaftueshme. Këtë e ka dëshmuar historia e cikleve të kaluara zgjedhore. Kemi kandidatin i cili përkrahet nga partitë pjesëmarrëse në qeveri i cili deklaron hapur për mbështetje të politikave pro – perëndimore. Stevo Pendarovski është një kandidat që gëzon përkrahje për qëndrimet e tij edhe ndaj shoqërisë shqiptare. Ai sot deklaron që shqiptarët duhet t’i gëzojnë të gjitha të drejtat, përkundër qëndrimeve të kandidates së VMRO-DPMNE e cila bashkë me partinë që përfaqësojnë publikisht thonë se nuk u duhet vota shqiptare”, tha mes të tjerash Bejta.

Shefi i shtabit komunal, z. Bashkim Hasani, para të pranishmëve potencoi që: “Shfrytëzimi i votës shqiptare për politikë ditore dhe për interesa të ngushta partiake dhe dhënjes së fuqisë së rrejshme partisë së vete politike, nuk ka qenë dhe nuk do të jetë strategji e BDI-së as mënyrë e politikëbërjes së saj”.

“Kjo mundohet të bëhet me një kandidat shqiptarë të cilin fatkeqësisht opozita shqiptare mundohet ta shfrytëzojë për kinse përfitimin e votave shqiptare dhe gjoja fuqisë politike të elektoratit.Votimi për kët kandidat vetëm se është shqiptarë dhe i cili nuk ka asnjë gjasë për hyrje në rreth të dytë e jo më ti fitoj zgjedhjet”, tha mes të tjerash Hasani.

Fushata zgjedhore e BDI-së në Gostivar, vijon të hënën në takime me banorët e lagjeve: Tregu i madh, Beg, Beliçica dhe Vardari.