Besimi: Çështja e kontratave mbi vepër mbetet temë e hapur për debat

Redaksia
Publikuar nga Redaksia 17 Gusht, 2022 22:18 Updated

Besimi: Çështja e kontratave mbi vepër mbetet temë e hapur për debat

Çështja e kontratave mbi vepër është një temë jashtëzakonisht e rëndësishme që mbetet e hapur për debat në kuadër të reformave tatimore, thotë ministri i Financave Fatmir Besimi.

Në intervistë për AIM, ministri thekson se është një temë komplekse që mbulon një gamë të gjerë të qytetarëve. Tashmë kemi përvojë që një iniciativë ka dështuar, thotë Besimi, duke shtuar se qëllimi është që të dëgjohen mendime dhe propozime nga grupe të ndryshme të interesit për të gjetur zgjidhjen më të mirë.

“Është një temë që mbulon një gamë shumë të gjerë të qytetarëve apo personave fizikë që janë në aktivitet ekonomik në atë pjesë. Fatkeqësisht, në praktikë kemi parë që një pjesë e tij është e manipuluar. Kemi një situatë në të cilën tarifat më të ulëta sociale raportohen qëllimisht dhe më pas diferenca jepet me kontratë mbi vepër. Në këtë mënyrë punonjësit humbasin drejtpërdrejt, sepse në të ardhmen do të kenë pensione më të ulëta. Ka edhe situata në të cilat disa nuk regjistrohen fare, dhe përdorin shërbimet shëndetësore sociale nga Agjencia për të Papunësuarit. Edhe kjo është pjesë e ekonomisë gri”, thotë Besimi.

I pyetur nëse në ndonjë rast reforma tatimore do të mbulojë kontratat në vepra, Besimi tha se nuk dëshiron të paragjykojë asgjë dhe se më e rëndësishmja është të debatohet për këtë.

Redaksia
Publikuar nga Redaksia 17 Gusht, 2022 22:18 Updated