Biden fton Shqipërinë në Samitin e Demokracisë, Kosova e Serbia lihen jashtë

Redaksia
Publikuar nga Redaksia 11 Nëntor, 2021 21:54

Biden fton Shqipërinë në Samitin e Demokracisë, Kosova e Serbia lihen jashtë

Presidenti i SHBA-së, Joe Biden në fillim të dhjetorit do të përmbushë një nga premtimet e tij në fushatë, mbajtjen e një Samiti për Demokracinë.

Një aktivitet i tillë do të mbahet për herë të parë dhe pritet të bëjë bashkë mbi 100 vende për ndaluar rënien e demokracisë dhe erozionin e të drejtave dhe lirive në botë.

Aktivistët e të drejtave të njeriut kanë ngritur shqetësim për disa të ftuar, të cilët akuzohen për pushtet autoritar dhe shkelje të lirive.

Në një farë mënyrë, Biden do të rreshtojë vendet liberale dhe demokratike kundër diktaturave dhe do të diskutojë mbi rrugët që do të luftohet kërcënimi që vjen nga Kina, Rusia dhe vende të tjera rivale.

Në një listë të publikuar nga Politico, nga vendet e rajonit Ballkanit Perëndimor bën pjesë Shqipëria, Maqedonia Veriore, Mali i Zi në listë mungojnë Kosova, Serbia dhe Bosnje e Hercegovina.

Në listë mungojnë dhe vende si Hungaria dhe Turqia ndërsa shumë kritika ka marrë prezenca e Polonisë, e cila vitet e fundit ka ngritur shumë pikëpyetje mbi demokracinë.

Samiti mbahet online më 9-10 dhjetor dhe lista e vendeve pjesëmarrëse nuk është përfundimtare.

Departamenti Amerikan i Shtetit thotë se samiti do të ketë në fokus sfidat dhe mundësitë e demokracisë ku liderët pritet që të bëjnë një zotim kolektiv për të mbrojtur demokracinë dhe të drejtat e njeriut./EuronewsAlbania

Redaksia
Publikuar nga Redaksia 11 Nëntor, 2021 21:54

28
Nën
Çmimi i benzinave ulet për 2 denarë, ndërsa i naftës për 1,5 denarë, përcjell TV21....
28
Nën
Kryetari i Kuvendit, Talat Xhaferi sot në emrin e tij dhe në emër të deputetëve...
28
Nën
Zëvendëskryeministri i parë, Artan Grubi ka lëshuar urimin e tij për 28 néntorë. Në urimin...
28
Nën
Kryetari i Bashkimit Demokratik për Integrim, Ali Ahmeti ka lëshuar urim me rastin e Ditës...