Biden: Problemi i inflacionit në rritje, ndryshimi i këtij trendi është prioritet

Redaksia
Publikuar nga Redaksia 10 Nëntor, 2021 22:54

Biden: Problemi i inflacionit në rritje, ndryshimi i këtij trendi është prioritet

Presidenti i SHBA-së Joe Biden, administrata e të cilit dikur e minimizoi inflacionin si një sfidë të përkohshme, u zotua sot se do të adresojë shqetësimin për rritjen e çmimeve pasi të dhënat e publikuara rishtazi treguan se pagat e amerikanëve nuk po rriten aq sa më parë.

Çmimet u rritën 6.2 për qind në tetor në krahasim me vitin e kaluar, duke shënuar rritjen më të madhe në tre dekada, sipas Byrosë së Statistikave të Punës në SHBA. Gjithashtu, çmimet u rritën me 0.9 për qind nga shtatori në tetor.

“Inflacioni i dëmton xhepat e amerikanëve dhe ndryshimi i këtij trendi është një prioritet për mua”, tha Biden në një deklaratë, raporton ATSh.

Komentet e presidentit përfaqësojnë një gatishmëri të re për t’u përballur drejtpërdrejt me problemin, të cilin Rezerva Federale në SHBA e ka përshkruar vazhdimisht si kalimtare ndërsa republikanët kanë akuzuar administratën për neglizhencë.

Shkalla e papunësisë ra në 4.6 për qind muajin e kaluar, një shenjë e rimëkëmbjes së vazhdueshme nga recesioni i thellë i shkaktuar nga pandemia.

Biden fajësoi inflacionin për rritjen e çmimeve të energjisë.

“Kam urdhëruar Këshillin Ekonomik Kombëtar të ndjekë rrugën e duhur për të reduktuar më tej këto çmime dhe i kam kërkuar Komisionit Federal të Tregtisë që të kundërpërgjigjet ndaj çdo manipulimi të tregut apo rritjes së çmimeve në këtë sektor”, tha ai.

Redaksia
Publikuar nga Redaksia 10 Nëntor, 2021 22:54
  • Ndiqeni faqen tonë në Facebook për lajmet më të fundit dhe për prodhimet tona më të reja multimediale.
  • Ndiqeni llogarinë tonë në Instagram me përmbajtje të veçantë dhe informuese – fotogaleri, video dhe infografika.
  • Abonohuni në kanalin tonë në Youtube për videove ekskluzive nga të katër anët e globit.
  • Ndiqeni llogarinë tonë në Twwiter për t’u informuar vazhdimisht për zhvillimet më të fundit në Maqedoninë e Veriut, në rajon dhe në botë.