Bill Gates me paralajmërim të ri
Pasi parashikoi rrezikun e një virusi që mund të gjunjëzonte botën, disa vite para qarkullimit të Covid-19, Bill Gates bën një paralajmërim të ri.
Miliarderi thotë se globi është ende në rrezik nga një variant i ri më i transmetueshëm dhe më vdekjeprurës i koronavirusit. Sipas multimiliarderit amerikan, rreziku se më e keqja ende nuk ka kaluar është i ulët, por që megjithatë është ekzistent.
Gates thotë se shmangia e pandemisë së ardhshme kërkon më shumë investime si dhe krijimin e një ekipi epidemiologësh dhe ekspertësh për të identifikuar me shpejtësi kërcënimet ndaj shëndetit global dhe për të përmirësuar bashkëpunimin midis vendeve.
Edhe në librin e tij të fundit “Si të parandalojmë pandeminë e ardhshme”, shkencëtari bën thirrje për të nxitur krijimin e një ekipi ekspertësh, nën menaxhimin e Organizatës Botërore të Shëndetësisë për të parandaluar pandemitë e reja.
Nëse bëhen investime për të mirën e të gjithëve, siç nisën të bëhen gjatë kësaj pandemie, Covid-19 mund të jetë pandemia e fundit përgjithmonë, thotë Gates.
Tv Klan