Blerim Bexheti: “Nuk ka nevojë që Aleanca për Shqiptarët të jetë pjesë e qeverisë”

Redaksia
Publikuar nga Redaksia 23 Nëntor, 2022 20:04

Blerim Bexheti: “Nuk ka nevojë që Aleanca për Shqiptarët të jetë pjesë e qeverisë”

Blerim Bexheti, kryetari aktual i Komunës të Sarajit dhe anëtar i kryesisë të BDI, i cili ishte një nga nënshkruesit e letrës së të ashtuquajturit “Grupi i Zjarrit”, ka deklaruar se: “Nuk ka nevojë që Aleanca për Shqiptarët të jetë pjesë e qeverisë”.

Në lidhje me spekulimet e fundit për përfshirjen të mundshme të Aleancës për Shqiptarët në qeveri, Bexheti theksoi: “Mendoj se as BDI-ja, as LSDM-ja dhe as e gjithë shumica qeverisëse nuk kanë nevojë për një partner shtesë, përkatësisht Aleancën për Shqiptarët. Në mandatin e kaluar ishin me BDI-në dhe LSDM-në, pastaj u larguan nga qeveria dhe tani duan të kthehen. Nuk është se ne bëjmë turizëm”, thekson Bexheti në deklaratën e tij. Ai beson se partia e Taravarit duhet të marrë përgjegjësinë për opozitën.

“Duhet të ketë një qëllim politik. Një tjetër ishte momenti kur Alternativa iu bashkua mazhorancës qeverisëse. Nuk e shoh atë moment politik tani. Nuk shoh ndonjë objektiv politik pse Aleanca duhet të jetë pjesë e qeverisë për shqiptarët dhe kjo nuk është e mirë as për ta, as për mazhorancën qeverisëse”, deklaroi më tej Bexheti.

I pyetur nëse ka përçarje në BDI, Bexheti përgjigjet: “Nuk di për përçarje. Nëse e shihni faktin që mendoni ndryshe si një përçarje, ka qenë gjithmonë. Por për shkak se ministrat duhet të raportojnë, nuk e shoh këtë si një përçarje”.

“Sigurisht që ka pasur pakënaqësi për Artan Grubin, sepse ai është nënkryetar i qeverisë dhe nuk mund të kënaqesh me gjërat kur projektet të ngecin”, theksoi ndër tjerash Bexheti. /InfoShqip.com

Redaksia
Publikuar nga Redaksia 23 Nëntor, 2022 20:04

07
Dhj
Petrit Pollozhani nga Lëvizja BESA i ftuar në emisionin e sontëm “Magazina Ekonomike”, mes tjerash...
07
Dhj
Anëtari i Bordit Ekzekutiv të LSDM-së, Andrej Petrov, ka theksuar se zgjedhje të parakohshme parlamentare...
07
Dhj
Derisa e kremtojmë 30-vjetorin e Misionit, ju po përgatiteni ta merrni funksionin kryesues me OSBE-në. Vallë...
07
Dhj
Duke përjashtuar Shqipërinë si vendi me shumën qesharake të pensionit, Maqedonia bën pjesë në grupin...