Blinken thotë se SHBA është e shqetësuar se Rusia mund të ‘përpiqet të ripërsërit’ pushtimin e Ukrainës si në vitin 2014

Redaksia
Publikuar nga Redaksia 10 Nëntor, 2021 23:59

Blinken thotë se SHBA është e shqetësuar se Rusia mund të ‘përpiqet të ripërsërit’ pushtimin e Ukrainës si në vitin 2014

Sekretari amerikan i Shtetit, Antony Blinken tha të mërkurën se SHBA-të janë të shqetësuara nga raportet për aktivitete të pazakonta ushtarak ruse dhe nga mundësia që Rusia mund të “përpiqet të ripërsërit” pushtimin e saj të Ukrainës, si në vitin 2014.

“Ne jemi të shqetësuar nga raportet e aktivitetit të pazakontë ushtarak rus”, tha Blinken në një paraqitje me ministrin e Jashtëm ukrainas Dmytro Kuleba në Departamentin e Shtetit, duke shtuar se SHBA po “monitoron nga afër” aktivitetin e Rusisë, përcjell Telegrafi.

“Shqetësimi ynë është se Rusia mund të bëjë një gabim serioz duke u përpjekur të ripërsëritë atë që ndërmori në vitin 2014, kur grumbulloi forca përgjatë kufirit, kaloi në territorin sovran të Ukrainës dhe e bëri këtë duke pretenduar në mënyrë të rreme se ishte provokuar”, tha Blinken, duke iu referuar pushtimit rus të Krimesë.

“Pra, skenarët që kemi parë në të kaluarën ishin të pretendohej për një provokim si një arsyetim për të bërë atë që ai synonte dhe planifikonte të bënte. Kjo është arsyeja pse ne po e shikojmë këtë me shumë kujdes”.

Ai gjithashtu përsëriti angazhimin e SHBA-së ndaj sovranitetit dhe pavarësisë së Ukrainës, duke e quajtur atë “të hekurt”. /Telegrafi/

Redaksia
Publikuar nga Redaksia 10 Nëntor, 2021 23:59

09
Dhj
Në Ditën Ndërkombëtare të Luftës Kundër Korrupsionit, AlternAtivA edhe një herë e riafirmon përcaktimin e...
09
Dhj
Arben Taravari, u.d. Kryetar i ASH-së Përshëndes deklaratat e forta dhe hapat vendimtare të ndërmarra...
09
Dhj
Në Ditën Ndërkombëtare të Luftës Kundër Korrupsionit – 9 Dhjetori, zëvendësja e kryetarit të Qeverisë...
09
Dhj
Qeveria në seancën e sotme të 108-të, në propozim të Ministrisë për sistem politik dhe...