Buçkovski: Zaev është lideri më i mirë që ka pasur LSDM-ja

Redaksia
Publikuar nga Redaksia 27 Nëntor, 2021 21:26

Buçkovski: Zaev është lideri më i mirë që ka pasur LSDM-ja

Zoran Zaev është kryetari më i mirë që ka pasur LSDM-ja në 30 vitet e fundit, thotë në një prononcim për të përjavshmen Focus ish-lideri i LSDM-së dhe kryeministër Vllado Buçkovski, përcjell FLAKA.

“Zaev është përgjegjësi më i madh për kthimin e LSDM-së në pushtet, pas 10 viteve të vështira të opozitës. Ai është më përgjegjës për hyrjen e Maqedonisë së Veriut në NATO. Sekreti i suksesit të tij është karakteri dhe “papërsosmëria” e tij, por mbi të gjitha guximi”, tha Buçkovski.

Ai konsideron se ka 3 faza në zhvillimin e LSDM-së, ku e para është e lidhur me Branko Cërvenkovskin, e dyta me të dhe Radmilla Shekerinska dhe e treta me Zaev.

“LSDM ka nevojë për një lider pro-evropian, sepse ai do të fillojë negociatat për anëtarësim në BE. Ai ka nevojë për një lider që do të vazhdojë me reformat në LSDM, me demokratizimin e partisë dhe forcimin e demokracisë së drejtpërdrejtë”, thotë Buçkovski.

Duke komentuar zgjedhjet e fundit lokale, Buçkovski tha se Cërvenkovski i kujtoi lojërat e tij, siç thotë ai, bizantine të vitit 2006.

“Me paraqitjen e tij në ASHAM, ditën kur filloi fushata për zgjedhjet lokale, ai nuk e fshehu se është kundër Zaevit dhe Qeverisë së tij. Gjithçka tjetër tashmë është parë. Përkrahje në terren të kandidatëve dhe listave të pavarura në Kumanovë, Ohër, Dibërcë”, tha ai. FLAKA

Redaksia
Publikuar nga Redaksia 27 Nëntor, 2021 21:26