Buxheti 2023, Besimi: Favorizojmë investimet kapitale

Redaksia
Publikuar nga Redaksia 23 Nëntor, 2022 19:45

Buxheti 2023, Besimi: Favorizojmë investimet kapitale

Rreth 5.3 miliard euro peshon propozim-buxheti i vitit 2023, që paraqet buxhetin historik më të lartë, me të cilin synohet ballafaqimi me krizën energjetike dhe inflacionin, krijimi i kushteve për rimëkëmbje ekonomike dhe rritje të qëndrueshme. Ministri i financave, Fatmir Besimi, tha se Qeveria mbetet e përkushtuar për konsolidimin gradual fiskal, i cili nuk do të ndikojë negativisht në aktivitetin ekonomik.

“Sigurojmë konsolidim fiskal, sigurojmë gjithashtu realizim të vazhdueshëm të ndryshimeve dhe obligimeve ligjore që dalin në funksionimin e institucioneve të shtetit. Një kontiuinitet për disiplinën në aspekt të shfrytëzimit të mjeteve buxhetore. Ndryshimi i strukturës së shpenzimeve në favor të investimeve kapitale. Përkrahje e investimeve vendore, politikat që kanë të bëjnë me këtë.”,- tha ministri i ekonomisë, Fatmir Besimi.

VMRO-DPMNE: Buxheti joreal, “tullumbace” që do plasë shpejt

VMRO-DPMNE këtë propozim buxhet e quan joreal, inflatore dhe e fryrë si tullumbace, e është çështje kohe para se të shpërthejë.

“Ky është buxhet me deficit të lartë buxhetor, prej 4.6% apo 700 milion euro, që do të sjell borxh të madh publik prej 64.4% nga Prodhimi i Brendshëm Bruto. Në pyetje vihet konsolidimi fiskal, përkatësisht ajo se a do të mundet që shteti ti paguaj detyrimet që ka.”,- u shpreh Bojan Stojanovski nga VMRO-DPMNE.

LSDM: Rritje reale ekonomike në kohë krize

Nga pushteti thonë se bëhet fjalë për buxhet që synon një rritje të qëndrueshme ekonomike në kohë krize.

“Përmirësimi i pagesave të të hyrave buxhetore përmes masave për uljen e ekonomisë së zezë. Megjithatë edhe masa për parandalimin e korrupsionit. Shkurtimi i shpenzimeve jo-produktive. Mbështetje më e madhe për sektorin privat si dhe targetim i saktë i mbështetjes për kategoritë më të rrezikuara të qytetarëve.”,- theksoi Marija Georgievska nga LSDM.

Të ardhurat e përgjithshme në propozim buxhetin e vitit 2023 janë planifikuar në nivel prej 282 miliard denarëve dhe janë më të larta për 14.8% në krahasim me vitin 2022, ndërsa shpenzimet janë në nivel prej 324.8 miliard denarë apo për 12.8% më të larta se viti 2022. Rritja ekonomike është projektuar në 2.9%, kurse inflacioni në 7.1%. Për propozim buxhetin janë dorëzuar mbi 250 amendamente.

Redaksia
Publikuar nga Redaksia 23 Nëntor, 2022 19:45

01
Dhj
Sonte në “Rruga drejt”, në Alsat M, në studio me gazetarën Fatlume Dervishi, në pjesën...
01
Dhj
Të gjitha kontrollet kryhen pas raportimeve për bomba dhe përfundimisht konfirmohet konstatimi ynë fillestar –...
01
Dhj
Opozita nuk duhet të kushtëzoj ndryshimet kushtetuese në situate kur vendi ndodhet para sfidave të...