Cërvenkovski pa koment për akuzat e Buçkovskit

Redaksia
Publikuar nga Redaksia 5 Nëntor, 2021 21:31

Cërvenkovski pa koment për akuzat e Buçkovskit

Ish-kreu i shtetit dhe lideri i LSDM-së, Branko Cërvenkovski nuk i komenton akuzat e fundit të bëra publike nga ish-kryeministri dhe njëherësh ish-lider i LSDM-së, Vllado Buçkovski, i cili e akuzoi atë se punon kundër partisë dhe se veprimet e tij ishin një nga arsyet pse LSDM i humbi zgjedhjet lokale, përcjell FLAKA.

“Ish-presidenti Crvenkovski mban qëndrimin e tij që të mos bëjë deklarata publike për asnjë çështje,” thanë për Fokus nga Kabineti i Cërvenkovskit.

Nga aty nuk duan të komentojnë nëse Cërvenkovski do të përfshihet aktivisht në zgjedhjet brendapartiake pas dorëheqjes së Zoran Zaev.

Buçkovski në një dalje televizive ditë më parë ka komentuar zhvillimet në LSDM dhe ka thënë se në këtë parti ka disa grupe që janë të pakënaqur me mënyrën se si LSDM e ka udhëhequr politikën.

“Një grup është i Branko Cërvenkovskit, i cili nuk e fshehu këtë. Ishte shumë simptomatike që fjalimi i tij në ASHAM ishte në fillim të fushatës. Unë u përballa me diçka të tillë në vitin 2006. Kotësia e Cërvenkovskit… Jo të gjithë spontanisht qëndruan në shtëpi, disa nga anëtarët e LSDM-së, kështu bënë një ndryshim të tillë për VMRO-DPMNE-në. Maksim Dimitrievski gjithashtu u konfrontua hapur me partinë”, tha Buçkovski.

Cërvenkovski, i cili rrallë herë shfaqet në publik gjatë fushatës, mbajti një fjalim në Akademinë e Shkencave dhe Arteve të Maqedonisë, ku kritikoi situatën aktuale politike në vend dhe vlerësoi se ajo është thellësisht e ndarë, e konfrontuar dhe e korruptuar. Ai tha se gjendja ekonomike në vend është më e keqe se 10 apo 20 vjet më parë. FLAKA

Redaksia
Publikuar nga Redaksia 5 Nëntor, 2021 21:31