CoVid-19, numri i rasteve aktive në vend është 412

CoVid-19, numri i rasteve aktive në vend është 412

Instituti i Shëndetit Publik në Maqedoninë e Veriut ka regjistruar 8 pacientë të shëruar nga koronavirusi.

7 janë nga Shkupi dhe 1 nga Prilepi. Në 24 orët e kaluara, janë kryer 286 teste, dhe janë shënuar 25 raste të reja të Covid-19. Shkup-16, Tetovë-4, Strugë-1, Veles-2 dhe Ohër-2.

Nga numri i përgjithshëm i testeve të kryera gjatë 24 orëve të kaluara, 124 teste janë kryer në kopshte dhe të gjitha janë negative. Deri më tani, në total janë kryer 21,722 teste për Covid-19 në vend. Një pacient nga Kumanova (60 vjeç), i shtruar në spital në klinikë më 27 Prill, vdiq në Klinikën për Sëmundje Infektive dhe Gjendje Febrile.

Një pacient nga Struga (59 vjeç), i pranuar në 16 maj dhe një pacient nga Shkupi (51 vjeç) i shtruar në spital në 4 maj, kanë ndërruar jetë në SPQ “8 Shtatori”.

Numri i përgjithshëm i rasteve të diagnostikuara nëMaqedoninë Veriore që nga fillimi i epidemisë është 1817, numri i pacientëve të shëruar është 1301, numri i vdekjeve është 104, dhe aktualisht numri i rasteve aktive në vend është 412.

Redaksia Flaka
nga Redaksia Flaka 18 Maj, 2020 15:37

© FLAKA.COM.MK - Derisa keni vendosur të merrni përmbajtje nga kjo faqe, në tërësi pajtoheni me kushtet e përdorimit.