Ashtu siç edhe ishte paralajmëruar prej ditësh, këngëtarja e njohur shqiptare, Dafina Zeqiri, ka publikuar klipin e saj më të ri nga albumi i fundit “Dafinë Moj”.
Bëhet fjalë për këngën “Murder on the dancefloor”, e cila vjen në bashkëpunim me kreperin e ri, Ron.
Kënga është punuar nga Roni dhe Dafina, gjersa kjo e fundit e ka shkruar edhe tekstin në bashkëpunim me reperin Elinel.
Klipi i këngës ndërkohë është mjaft provokues dhe protagoniste në të është bukuroshja e njohur shqiptare, Arta Nitaj.
Arta e cila prej ditësh publikonte fotografi provokuese nga xhirimet, erdhi me një performancë mjaft atraktive dhe provokuese në bikini të gjelbra neoni.
Jo më pak ngacmuese duket të jetë edhe paraqitja e Dafinës në këtë klip, e cila shfaqet në disa skena mjaft ‘të nxehta’ me një vajzë.
Ana vizuale e këtij projekti i është besuar produksionit Kotorri.
