Dashtevki: Edhe Strasburgu do ta mbështesë azilin e Gruevskit

Driton Zenku 1 muaj ago

Zgjedhja e VMRO-s për ta vendosur atë në krye të Komisionit Shtetëror Zgjedhor, sipas Aleksandar Dashtevkit, ka qenë për shkak se ai është me përvojë dhe profesionist. Në intervistën për Radio Evropa e Lirë, ai synoi të tregohet modest, por nuk la pa përmendur përvojën e tij brenda dhe jashtë vendit.

Aleksandar Dashtevski, kryetar i KSHZ-së

“Unë kam qenë tre vjet anëtar i KSHZ-së, paraprakisht tre herë kam qenë në Komisionet Zgjedhore Komunale. Tani të mos duket se po lavdërohem, por kam përvojë më të madhe në atë problematikë. Kam edhe përvojë ndërkombëtare, kur isha në KSHZ, kam qenë në më shumë konferenca, kam qenë edhe në Amerikë. Dua të them se mendoj që zgjedhja ime ka qenë për shkak të kësaj, sepse unë jam me përvojë në këtë dhe në problematika të tjera, sepse e kryej punën në mënyrë profesionale”.

I pyetur se a ndjen përgjegjësi për arritjen e ish kryeministrit Nikolla Gruevskit, për faktin se duke qenë kryetar i Komisionit për Mbrojtje nga Diskriminimi, ai ka qenë njëri ndër ata që ka dhënë nënshkrim për azilin e Gruevskit në Hungari, Dashtevski u përgjigj se kur të përfundoj kjo çështje në Strasburg, edhe ata do të vendosin në dobi të ish-kryeministrit të arratisur.

Aleksandar Dashtevski, kryetar i KSHZ-së

“Askush nuk po e diskuton vendimin, duhet ta shohim nëse vendimi është në rregull ose jo. Mendoj se ky vendim do të përfundoj në Strasburg dhe atje do të vendoset njejt siç ka vendosur Komisioni”.

Kryetari i i ri i KSHZ-së ndër tjera u shpreh se nuk është i informuar se deri ku ka arritur procedura për zbulimin e sulmit të hakerëve ndaj web faqes së KSHZ-së, por e njëjta procesurë, sipas tij do të dëshmoj se kush dhe përse e ka shkaktuar atë sulm. Madje ai siguron se në zgjedhjet e ardhshme nuk do të ndodh më një gabim i tillë. Emine Ismaili /SHENJA/