Deklaratat e kryeministrit, VMRO: Zaev kërcënoi mediat, të japë dorëheqje; LSDM: Askush nuk u kërcënua, iu shpall luftë krimit

Deklaratat e Kryeministrit Zoran Zaev i cili kritikoi ashpër me një fjalor të pazakontë për një politikan, individët që sipas tij po kërkojnë me cdo kusht rrëzimin e Qeverisë, kanë përplasur dy partitë maqedonase.

VMRO-DPMNE e cilësoi kryeministrin si një person në gjendje të mjerueshjme psiqike e si i tillë duhet të largohet nga posti e të shpallë me urgjencë zgjedhjet e parakohëshme parlamentare. sipas opozitës, Zaevi u shpalli luftë mediave që guxojnë ta kritikojnë sepse nuk ka ndërmend të lejojë askënd t’i zbardhë aferat korruptive të qeverisë që drejton.

“Zoran Zaev kërcënoi mediat dhe të gjithw ata të cilët kanë ndërmend ti nxjerin në pah krimet e tij. Deklarata e mbrëmshme e Zoran Zaevit qartë nxjerë në pah situatën psiqike në të cilën ai gjendet, ai nuk është në gjendje të vendos për të ardhmen e popullit . Me këto deklarime Zaev ngjante në sherif të një bande kriminale, dhe jo një Kryeministër, i cili tregoi se me asnjë kusht nuk ka ndërmend të largohet nga Qeveria. Kjo nervozë tek Zaev tregon se ai është thellë i brengosur për aferat që po dalin. Prandaj kërkojmë zgjedhje të parakohëshme parlamentare me qëllim që të merret mesazhi i qytetarëve”, u shpreh zëdhënësi i VMRO-DPMNE-së, Dimçe Arsovski.

Nga LSDM arsyetojnë deklarimet e kryeministrit , duke i cilësuar si deklaratë të qartë që paralajmëron luftë të pa kompromis ndaj krimit dhe korupsionit.

LSDM përkujton gjatë këtyre viteve ata janë i vetmi subjekt politik që ka shpreh hapur përkrahjen dhe mirkuptimin për pjetarët e komunitetit LGBT dhe ndaj gazetarëve e kjo shihet qartë sipas tyre edhe në e të dhënat e fundit të indeksit për lirinë e shprehjes.

“Thelbi kryesor në deklaratën e kryetar të LSDM dhe të Qevrisë Zoran Zaev ishte shumë e qartë, se më në fund drejtësi në Maqedoni do të ketë, dhe se shteti juridik do të funksionon pa marrë parasyshë kush e ka bërë krimin. Të gjithë ata të cilët kanë shkelë ligjin do të japin përgjegjësi. Obsolitisht nuk bëhet fjalë për as për kërcënime të mediave apo komunitetit LGBT, sepse kjo Qeveri ka treguar se cfarë ndryshime kanë sjellë në shprehjen e lirë të mediave dhe tejkalimit të dallimeve në përcaktimet të grupeve të ndryshme etnike, fetare, religjioze apo cfardolloj dallimi tjetër”, theksoi deputetit i LSDM-së, Konstantin Konstandinov.

Përderisa VMRO-DPMNE kërkon zgjedhje të Parakohshme, LSDM raportin në mes partnerëve të kualicionit e vlerësoi si qëndrueshëm.

Sipas Konstandinovit kualicioni është duke funksionuar pa asnjë problem të theksuar megjithëse pranoi se janë evidente dallimet e vogla por që i cilësoi si “të kapërcyeshme”.