Deputeti i VMRO-DPMNE ngeli pa veturë, dikush ia vuri flakën!

Driton Zenku
Publikuar nga Driton Zenku 20 Korrik, 2022 13:27

Deputeti i VMRO-DPMNE ngeli pa veturë, dikush ia vuri flakën!

Deputeti i VMRO-DPMNE-së, Dragan Kovaçki, përmes një postimi në Facebook ka njoftuar se mbrëmë është djegur makina e kolegut të tij Petar Risteski nga Prilepi, I cili para disa ditëve publikisht bëri të ditur se nuk do të votojë për ndryshimin e Kushtetutës.

“Akt qyqar, pas së cilit, jam I bindur se qëndrojnë mercenarë të inspiruar nga udhëheqësia tradhëtare e LSDM-së. Ky është sulm ndaj deputetit dhe një goditje serioze dhe ngecje e demokracisë” – ka shkruar Kovaçki në FB.

LSDM-ja ka dënuar djegien e veturës së deputetit të VMRO-DPMNE-së, Petar Risteski, duke I bërë thirrje MPB-së që ta zbardh rastin.

“Dënojmë këtë akt kriminal dhe presim që opinion të njoftohet detajisht për shkaqet, motivet dhe kryerësit. Nëse në VMRO-DPMNE kanë probleme të brendshme, kjo nuk është mënyra për akuza të pabaza. Tentativat për manipulim për qëllime ditore politike, janë keqpërdorime të vetëdijshme të rastit” – thonë nga LSDM.

Prokurori Publik kujdestar nga PTHP-Prilep ka kryer ekspertizë në vendngjarje ku gjatë natës ishte djegur vetura e një deputeti në Kuvendin e RMV-së. Sic thuhet në komunikatë, me urdhër të Prokurorit Publik janë marrë gjurmë nga vendngjarja që do t`u nënshtrohen ekspertizës për t`u konstatuar shkaqet e aksidentit. Janë dhënë urdhëra që të sigurohen xhirime eventuale nga kamerat e sigurisë nga objektet afër vendit të incidentit.

Driton Zenku
Publikuar nga Driton Zenku 20 Korrik, 2022 13:27

Marketing Politik - Çmimore

Presidenciale | Parlamentare