Destinacionet e mundshme të Cristiano Ronaldos pas “divorcit” me United

Cristiano Ronaldo zyrtarisht u nda nga Manchester United pasditen e së martës (22/11) dhe tani bota e futbollit po pret të zbulojë se me cilin ekip do të vazhdojë karrierën superylli portugez.

Ish-sulmuesi i Real Madrid dhe Juventus tha se ish-trajneri i United, Sir Alex Ferguson e bindi atë të kthehej për një periudhë të dytë në Old Trafford, ku fitoi tetë trofe të mëdhenj midis 2003-2009.

Ronaldo shtoi në intervistën e tij në TalkTV se ishte afër një lëvizjeje te Manchester City përpara se Ferguson të ndërhynte.

Ai gjithashtu konfirmoi raportet se ai refuzoi një ofertë të madhe nga një klub i Arabisë Saudite, ndërsa tha se Katari ka të ngjarë të jetë Botërori i tij i fundit dhe se ai planifikon të ndalojë së luajturi në të 40-at.

Reuters e bëri një hap më tej dhe përpiloi shanset dhe bastet më të njohura për destinacionin e ardhshëm të Ronaldos, sipas Oddschecker.

Chelsea (5/2)

“Blutë” mohuan të mërkurën (23/11) se janë të interesuar për CR7, por verën e kaluar ai ishte “lidhur” në mediat britanike me Chelsean. Megjithatë, raportet në Angli treguan se Chelsea mund të rinovojë interesin e tyre.

Sporting Lisbon (7/2)

Ronaldo iu bashkua United në vitin 2003 nga skuadra portugeze Sporting Lisbon për 13.5 milionë euro, duke thyer rekordin e atëhershëm britanik të transferimit për një futbollist adoleshent, pasi ra në sy të Sir Alex Ferguson dhe lojtarëve të klubit në një miqësore. Nëna e tij, Dolores Aveiro, ka thënë më parë se dëshiron ta shohë atë në klubin e Lisbonës.

Any MLS Club (15/2)

Bashkëpronari i Inter Miami, David Beckham, një ish-lojtar i United, tha në një intervistë në vitin 2020 se Messi dhe Ronaldo ishin të dy objektiva të mundshëm për klubin, duke nënvizuar ambiciet e larta të skuadrës së tij. Disa futbollistë më të mirë kanë përfunduar së fundmi karrierën e tyre në Shtetet e Bashkuara të Amerikës dhe Ronaldo nuk e ka mbyllur derën e ligës amerikane.

Paris St Germain (20/1)

Ronaldo mund të formojë një formacion sulmues që do ta kishte zili çdo klub dhe ëndrra e çdo tifozi futbolli nëse vendos të shkojë në Francë për të luajtur për Paris Saint-Germain, i cili tashmë mburret me praninë e Lionel Messit, Neymar dhe Kylian Mbappe në radhët e saj.