Dimitrovi nga Beogradi: Bashkëpunimi rajonal është një histori absolutisht evropiane

Redaksia
Publikuar nga Redaksia 3 Nëntor, 2021 21:31

Dimitrovi nga Beogradi: Bashkëpunimi rajonal është një histori absolutisht evropiane

Bashkëpunimi rajonal është jashtëzakonisht i rëndësishëm për realizimin e përcaktimeve të përbashkëta strategjike në të cilat Qeveria është e përkushtuar pa marrë parasysh situatën politike, ndërsa konfirmim për këtë është pjesëmarrja ime në këtë takim. Këtë e deklaroi zëvendëskryeministri për Çështje Evropiane Nikolla Dimitrovi, i cili në emër të Qeverisë së Republikës së Maqedonisë së Veriut pasdite mbërriti në takim pune në kuadër të nismës “Ballkani i Hapur”.

“Para së gjithash vij me porosi se bashkëpunimi rajonal është një histori absolutisht evropiane, se duam të vazhdojmë ta thellojmë. Shtojmë një segment të rëndësishëm nesër – si digjitalizimi mund të ndihmojë që ta përshpejtojmë dhe thellojmë bashkëpunimin rajonal”, deklaroi Dimitrovi gjatë mbërritjes në Beograd.

Vij në një moment, shtoi Dimitrovi, kur siç e dini, në Maqedoninë tonë, në Maqedoni të Veriut përfunduan zgjedhjet lokale, ka sfida të caktuara politike, ndërsa në një farë mënyre krizë politike.

“Është me rëndësi të japim sinjal se si Qeveri, si shtet, jemi plotësisht të përkushtuar në këtë nismë që lindi në Ballkan dhe qëllimi i së cilës fillimisht është një Ballkan evropian”, theksoi Dimitrovi.

Siç bëri të ditur SÇE, janë paraparë takime të liderëve me presidentin e Serbisë, Aleksandar Vuçiqin dhe me kryeministrin e Shqipërisë, Edi Ramën, si dhe me përfaqësues të kompanive nga të trija vendet të cilat marrin pjesë në këtë platformë për përparimin e bashkëpunimit rajonal në kontekst të integrimit evropian.

Redaksia
Publikuar nga Redaksia 3 Nëntor, 2021 21:31

09
Dhj
Pas relativizimit të zërave se Aleanca për Shqiptarët do të bëhet pjesë e qeverisë si...
09
Dhj
Në Ditën Ndërkombëtare të Luftës Kundër Korrupsionit, AlternAtivA edhe një herë e riafirmon përcaktimin e...
09
Dhj
Arben Taravari, u.d. Kryetar i ASH-së Përshëndes deklaratat e forta dhe hapat vendimtare të ndërmarra...
09
Dhj
Në Ditën Ndërkombëtare të Luftës Kundër Korrupsionit – 9 Dhjetori, zëvendësja e kryetarit të Qeverisë...