Meksikanët janë bërë bashkë në sheshin kryesor të Mexico City, El Zocalo, në parade tradicionale për të festuar “Ditën e të Vdekurve”.
Festa e përvitshme nderon të vdekurit përmes një sërë traditash të ndryshme: altarë me fotografitë e tyre, parada, dekorime me kafka dhe skelete, si dhe dhurata të shumta që lihen rrugëve ose në varreza. Këtë vit atmosfera duket e rigjallëruar pas shtyrjes së festimeve për shkak të pandemisë Covid 19.
Festimet zgjasin katër ditë dhe janë një shfaqje e vërtetë e historisë, artit, kulturës dhe ushqimit.
Më 1 nëntor, njerëz të veshur me kostume të frikshme, të pikturuar në fytyrë me grim të rënduar, shëtisin nëpër rrugët me kalldrëm të Meksikos duke përfunduar te katedralja e shekullit të 17-të në sheshin kryesor.
Në vitin 2008, festa u shtua në listën e UNESCO-s dhe qyteti i San Miguel de Allende u cilësua si vendi ku festohet më mirë kjo ditë.
Ky qytet piktoresk i njohur për arkitekturën shumëngjyrëshe, është gjithashtu ndër me të vizituarit nga turistët.
Pavarësisht ngjashmërisë, “Dita e të Vdekurve” nuk është e lidhur drejtpërdrejt me Hallounin, festën tradicionale të amerikanëve.
Në këto ditë festimesh altarët dhe faltoret mbushen plot me fotografi, dhurata dhe ushqime, duke mbledhur bashkë familjarë dhe miq.
