Dita Ndërkombëtare e Romëve, të drejta të barabarta për një shoqëri të barabartë

Redaksia 2 vjet ago

8 prilli është Dita Ndërkombëtare e Romëve, që shënohet që nga viti 1971, pas mbajtjes në Lisbonë të kongresit të parë botëror të romëve.

12 milionë romë jetojnë sot në kontinentin e vjetër, ata janë etniteti më i madh i Europës.

Në Maqedoninë e Veriut jetojnë jozyrtarisht 197 mijë romë, por në regjistrimin e fundit, si pjesëtarë të bashkësisë etnike u regjistruan vetëm 53 879 persona. Arsyet janë të shumta, frika nga diskriminimi është arsyeja e parë që i detyron ata të mos e tregojnë etnitetin etnik. Në ditën e tyre kërkojnë arsimim dhe trajtim të barabartë.

“Arsimimi është një nga instrumentet më të fuqishme në procesin e gjithë emancipimit të rëndësishme gjithashtu është të çlirohemi nga stigmat shoqërore”,- tha drejtori i Fondit për Zhvillimin e Romëve, Nadir Rexhep.

“Të drejta të barabarta dhe dinjitoze, kjo është e vetmja mënyrë për sukses të përbashkët”,- tha Silhan Seitov nga Shoqata e Qytetarët “Romaverzitas”.

Maqedonia në letër ka një strategji të qartë për romët dhe ekzekutivi thotë se një shoqëri për të gjithë do të thotë shoqëri që nuk lë anash asnjë nga qytetarëve e vetë.

“Rëndësi të veçantë i kushtojmë përfshirjes së qytetarët e të papunë romë në masat e punësimit. Identifikimi i personave në librin amë dhe ndihmë në nxjerrjen e dokumenteve personale, gjithashtu edhe përkujdesje për familjet e rrezikuara sociale”,- tha kryeministri, Zoran Zaev.

“Për mijëra vjet qytetarët romë dhe civilizimi i tyre është bërë pjesë e kulturës europiane dhe janë me të drejtë pjesë konstituive e BE-së ku trajtimi i barabartë i romëve ka një specifikë të posaçme”,- tha zëvendëskryeministri për eurointegrime, Bujar Osmani.

Por, euroambasadori Zhbogar përkujton se romët kanë nevojë për më tepër se organizimi i konferencave dhe angazhimi foljor.

“Duhet të bëhet shumë më tepër për romët, sesa vetëm të financohen dhe organizohen konferenca nga BE. Duhet veprim në të gjitha shtetet si nga ato anëtare dhe nga kandidatë për anëtarësim që të anashkalojmë diskriminimin dhe të çrrënjosim paragjykimet”,- tha ambasadori i BE-së në RMV, Samjuel Zhbogar.

Në pothuajse të gjitha vendet e Europës Lindore, romët jetojnë në varfëri të thellë. Kjo është arsyeja që shumë romë nga Maqedonia e Veriut, Shqipëria dhe Serbia janë nisur drejt perëndimit në kërkim të një jete më të mirë. Romët nga Rumania dhe Bullgaria e kanë më lehtë sepse që nga viti 2014, ata munden ligjërisht të jetojnë e punojnë në BE. (TVM2)