Çmimi i ri i energjisë elektrike është një mister për momentin. Ndërkohë që po bëhen analizat e kostove të prodhimit dhe transportit, qeveria shpërndanë deklarata se çmimi i ri nuk do të jetë më i lartë, ndonëse prej ditësh ka paralajmëruar kthimin e normës së TVSH-së nga 10 në 18 për qind aktuale. Kush do ta paguajë diferencën prej 8 për qind, qytetarët apo do ta subvencionojë sërish qeveria, do të vendoset në periudhën e ardhshme, përcjell FLAKA.
Një gjë është e sigurt për momentin. Tarifa e lirë është kthyer në lojë, por çmimi përfundimtar është ende duke u negociuar mes kompanive dhe rregullatorit. Tenderin për çmimin që do ta ofrojë EMV duhet ta shpallë EVN HOME në ditët në vijim. Në shumicën e rasteve, të gjitha sasitë e nevojshme ofrohen nga termocentralet shtetërore. Se çfarë çmimi të energjisë elektrike do të paguajnë qytetarët në gjashtë muajt e ardhshëm do të varet më së shumti nga çmimi i EMV-së.
Ndërkohë, kompanitë energjetike kanë filluar të dorëzojnë në KRRE llogaritjet e kostos, të cilat nevojiten për vendosjen e çmimeve të reja të energjisë elektrike në blloqet tarifore. Afati i fundit është fundi i majit. Opozita akuzoi se qeveria po manipulon dhe fsheh rritjen e çmimit të energjisë elektrike për familjet.
Deri më tani këtë e kanë bërë Elektrodistribucioni dhe Memo. Priten ato të Mepso-s dhe EVN-së, si dhe tenderi në të cilin EMV-ja shtetërore duhet të ofrojë çmim të ri për energjinë e saj të përdorur nga amvisëritë dhe konsumatorët e vegjël. Pasi rregullatori të marrë të gjitha llogaritjet, ai do të vendosë se cilat nga kostot e tyre do të pranohen dhe cilat jo. Nga 1 janari u ul çmimi i energjisë elektrike për bllokun e parë dhe të dytë, ndërsa çmimi për bllokun e tretë dhe të katërt pati një rritje të lehtë. Ka pasur një rritje minimale të çmimit të energjisë elektrike të lirë. Kostoja e transmetimit dhe shpërndarjes së energjisë elektrike u ul, por TVSH-ja u rrit nga 5 në 10 për qind. EMV, nga ana tjetër, e ka rritur çmimin e energjisë elektrike për më shumë se 15 për qind, pra çmimi për megavat orë është rritur nga 48 në 56 euro. FLAKA
