Douglas Costa drejt largimit nga Juvja
Douglas Costa pritet të largohet nga Juventusi në përfundim të këtij sezoni. Braziliani ka humbur vendin në formacionin e Allegrit, pasi ky i fundit preferon më tepër Bernardeschin, ndaj dhe largimi shihet si zgjidhja më e mirë për të.
Në fakt klubet e interesuara për 28-vjeçarin nuk mungojnë. Përveç Manchester United, Paris Saint-Germain, Manchester Cityt apo Interit, së fundmi në garë është futur edhe Tottenhami. Ish-lojtari i Bayernit të Mynihut u transferua te bardhezinjtë në verën e vitit 2018, ndërkohë që kontrata e tij përfundon në qershor të vitit 2022.
