Ekspozitë në Berlin e dy piktorëve të mirënjohur Bashkim Mexhiti dhe Ilirjan Beqiri

Ekspozitë në Berlin e dy piktorëve të mirënjohur Bashkim Mexhiti dhe Ilirjan Beqiri

Më 30.08.2019 në galerinë Prima Centar Berlin – Berlin në Gjermani, është hapur ekspozita e titulluar “TRACES OF CULTURAL” e dy piktorëve të mirënjohur Bashkim Mexhiti dhe Ilirjan Beqiri, njofton Flaka 

Në këtë ekspozitë, artdashësit gjerman kanë mundësinë që për së afërmi të njihen dhe shijojnë bukurinë e universales dhe tradicionales të prezantuara ne tablotë e dy artistëve, si dy koncepte thelbësore që vërehen në opusin e gjatë të krijimtarisë së tyre; Koncepte këto, që në mënyrë mjeshtërore harmonizohen si në aspektin figurativ po ashtu edhe në atë koloristik.

Bashkim Mexhiti, nëpërmjet ekspresionizmit abstrakt dhe ekspresionizmit lirik, shpreh specifikat etnike dhe kulturore të proviciencës së tij, duke i ofruar publikut një mundësi të hapur në perceptimin dhe përjetimin e lirë të veprave artistike.

Në tablotë e Ilirjan Beqiri si motiv kryesor është peizazhi, pikturuar në frymë ekspresioniste, ku trajton temën e jetës së përditshmërisë nga nënqielli i proviciencës së tij me shumë mesazhe për kohën e trazuar në të cilën jetojmë.

Përndryshe që të dy janë mësimdhënës ne Fakultetin e Artit Figurativ pranë Universitetit të Tetovës, me shumë ekspozita personale dhe kolektive, brenda dhe jashtë shtetit. Përndryshe, ekspozita në fjalë është financuar nga ana e Ministrisë së Kulturës së Maqedonisë Veriore.

Redaksia Flaka
nga Redaksia Flaka Shtator 3, 2019 11:22

© FLAKA.COM.MK - Derisa keni vendosur të merrni përmbajtje nga kjo faqe, në tërësi pajtoheni me kushtet e përdorimit.

HAPËSIRË E SPONSORIZUAR

Loading...