Emërimet partiake, ambasadorë pa asnjë ditë përvojë

Redaksia
By Redaksia 8 Prill, 2019 19:37

Emërimet partiake, ambasadorë pa asnjë ditë përvojë

Caktimi partiak i ambasadorëve në vitet e kaluara pa pasur asnjë ditë përvojë në diplomaci, është një nga arsyet kryesore pse Revizioni shtetëror zbuloi shumë parregullsi në punën e përfaqësive diplomatike-konsullore nëpër botë.  Sipas Lupço Arsovskit, kryetar i Këshillit të ri sapo të formuar të ambasadorëve, kjo MPJ-së i ka shkaktuar dëme të mëdha.

Ne kishim një periudhë të gjatë ku kishte shumë punësime partiake, ku ambasadorët emëroheshin për katër ditë. Ne jemi përgatitur nga gjashtë muaj. Paramendoni t’ju thonë se për katër ditë shkoni si ambasador, ndërsa asnjëherë, pra asnjëherë nuk keni qenë në atë detyrë. Dhe kjo më pas shkakton efekt domino të dëmeve- Lupço Arsovski, kryetar i Këshillit të ambasadorëve

Revizioni shtetëror në MPJ zbuloi se në vitin 2017 më shumë se 350 mijë euro para të dedikuara për një çështje, janë shpenzuar krejtësisht për çështje tjetër pa lejen e Ministrisë së financave. Gjithashtu, një pjesë e ambasadave edhe pse janë të obliguara me ligj t’i kthejnë në buxhetin e shtetit paratë e pashfrytëzuara gjatë vitit, ata nuk kanë kthyer në arkën e shtetit mbi 200 mijë euro para të popullit. Revizioni në punën e MPJ-së zbuloi parregullsi edhe në zbatimin e ligjit për furnizime publike. Ministria nuk e ka informuar Byronë për marrëveshjet e lidhura, ndërsa ambasadat nuk kanë lidhur marrëveshje me ofertuesin më të volitshëm në tender. Në raportin e Revizionit është konstatuar se mbi 900 mijë euro janë shpenzuar për angazhimin e popullatës lokale në ambasadat nëpër botë. Ata janë paguar me para në dorë nga arka devizore. Në formimin e sotëm të Këshillit të ambasadorëve që është i përbërë nga ambasadorë të mëparshëm, u theksua se për parregullsitë e konstatuara në Revizion për punën e MPJ-së, do të përgatisin rekomandime si të tejkalohen problemet me të cilat përballen ambasadorët.

 

Redaksia
By Redaksia 8 Prill, 2019 19:37