Europa, në gjurmët e “magjistarit” të ri: Joao Felix

Desk
By Desk April 12, 2019 19:37

Europa, në gjurmët e “magjistarit” të ri: Joao Felix

Futbolli kontinental ka një idhull të ri dhe Europa League një rekord më vete. Të apasionuarit pas lojës më popullore të planetit kanë nisur të admirojnë shpikjet e fundit në fushë të Joao Felix.

Portugezi i lindur në vitin 1999 u këshillua nga Rui Costa për të firmosur me Benficën, e që prej asaj kohe ka treguar se di të driblojë e di të shënojë, si askush tjetër në kampionatin luzitan.

Nata magjike e Europa League kundër Eintrachtit të Frankfurtit e bëri talentin portugez të regjistrojë rekorde të reja. Joao Felix arriti të shënojë 3 herë në stadiumin e Benficës, një herë me penallti, një herë me një goditje jashtë zonës dhe një herë me një të saktë brenda.

Trigolëshi i luzitanit i ka dhënë vendin e lojtarit më të ri që shënon kaq shumë. Me 19 vjeç e 152 ditë të shënuara në kartën e tij të identitetit, Joao Felix është kthyer në objektivin e gjigantëve europianë, gati të shpenzojnë miliona.

Për Felix, ky ishte trigolëshi i parë në karrierë dhe i pari për Benficën në këtë fazë të turneut, që nga kohët e António Pachecos.

Joao Felix ka shënuar deri më tani 15 gola këtë sezon dhe ka dhënë 7 asiste. Ai shënon ose bën të tjerët të tundin rrjetën çdo 104 minuta.

Desk
By Desk April 12, 2019 19:37