Filipçe: Rezultati im nga testimi për Kovid-19 është negativ, por vazhdoj të mbetem në vetizolim

Desk
By Desk April 23, 2020 22:20

Filipçe: Rezultati im nga testimi për Kovid-19 është negativ, por vazhdoj të mbetem në vetizolim

Ministri i Shëndetësisë, Venko Filipçe, sonte në profilin e tij në Fejsbuk, publikoi se rezultati nga testi i tij për Kovid-19 është negativ.

“Sapo më informuan se rezultati im nga testimi për Kovid-19 është negativ. Edhe pse sipas vlerësimit të epidemiologëve, unë nuk isha në rrezik, megjithatë vendosa të mbetem në vetizolim”, ka shkruar Filipçe.

Rezultatin negativ, siç thotë ai, e ka marrë në ditën e tetë të vetizolimit, ku do të mbetet deri në përfundimin e periudhës së inkubacionit prej 14 ditëve.

“Të gjitha aktivitetet e mia dhe menaxhimi me krizën me koronavirusin në vend edhe gjatë javës së kaluar u zhvilluan papenguar. Rregullisht mbaj onllajn takime me Komisionin për sëmundje infektive, kolegët e mi, institucionet, mediumet dhe qeverinë. Ashtu do të jetë edhe gjatë javës së ardhshme. Respektimi i masave deri tani jep rezultate të mira. Nëse mbetemi konsekuent në këtë dhe i adaptohemi ndryshimeve, shumë shpejtë do ta tejkalojmë këtë situatë”, thotë Filipçe në profilin e tij në Fejsbuk.

Ai iu falënderua të gjithë qytetarëve për përkrahjen, dhe edhe një herë përkujtoi se përgjegjësia personale është parakusht për shëndet kolektiv.

Desk
By Desk April 23, 2020 22:20