Pas 361 paraqitjeve në më shumë se pesë vjet, Roberto Firmino ka vendosur të ndajë rrugët me Liverpoolin.
Sulmuesi brazilian ka qenë njëri nga idhujt më të dashur për tifozerinë e skuadrës angleze në vitet e fundit.
Pas paraqitjes së tij të fundit në Anfield të shtunën kundër Aston Villas, Firmino ka përgatitur 200 kuti dhurata për lojtarët, stafin dhe njerëzit e afërm në Liverpool.
Fanela e nënshkruar nga ai, një parfum i markës së tij dhe logo të skuadrës ishin pjesë e dhuratës që Firmino e ndau për 200 njerëz të klubit.
Gjesti i Firminos tregon se sa shumë do t’i mungojë skuadrës dhe sa shumë do të thotë për të koha e tij në Liverpool.
