FLAKA, 5 vite me Ju dhe për Ju

7 marsi i vitit 2016 shënoi fillimin e punëss së Agjencisë së Lajmeve FLAKA. Si sot para pesë vitesh, filloi publikimi i lajmeve të para nga redaksia jonë.

Për këto pesë vite, ndryshuan shumë gjëra por jo edhe misioni dhe detyra që ia dhamë vetës për të informuar opinionin në mënyrë objketeve, në kohë reale dhe konform kodit gazetaresk.

Themi se kemi kryer ndryshime, por gjithmonë duke qenë në hap me kohën dhe teknologjinë. për këto pesë vite, duke zgjedhur më të mirën për ndjekësit tanë.

Agjencia e lajmeve FLAKA arriti të anëtarësohet në Këshillin për Etikë në Media në Madedoni – KEMM, duke marrë për sipër rregullat për pranimin e Internet portaleve për anëtarësim në këtë asociacion.

Për këto pesë vite, arritëm të realizojmë një pjesë të ideve që kishim nga fillimi i misionit, por planet dhe sfidat për të ardhmen ngelet ende shumë. Sot, pas pesë vitesh jemi krenarë të ndajmë me ju informacionin që FLAKA MEDIA GROUP është zgjeruar në platformën online, duke numëruar 10 faqe të ndryshme. GOSTIVARI SOT, FLAKA MKD në gjuhën maqedonase, FLAKA NEWS në gjuhën angleze, magazina online FLAKA PLUS, faqja sportive F-SPORT, portali femina FEM3, portali dedikuar kuzhinës GUSTO, portali për teknologji DIGITAL, portali dedikuar kafshëve PET, dhe FLAKA si portali amë, paraqesin platformën më të madhe online në gjuhën shqipe jo vetëm në Maqedoninë e Veriut.

Mbi të gjitha duhet shprehur mirënjohje për të gjithë ata njerëz që dhanë kontributin e tyre në zhvillimin e FLAKA-s. Do të donim të faleminderojmë artistin Burhan Ahmeti për krijimin e logos, Agon Fejzi dhe Muharrem Shaqirin për angazhimin e tyre në dizajnin dhe mirëmbajtjen teknike, gazetarët Abedin Bilalli, Agim Mustafi, Albin Gora, Salije Sadiku, Linda Limani, Driton Zenku, Xhana Miftari, Blerand Rexhepi, Gjyle Halili dhe Daim Miftari për përkushtimin e tyre në punë. Faleminderime u takojnë edhe bashkëpunëtorëve të tjerë, opinionistëve, ekspertëve të shumtë që në asnjë moment nuk refuzuan bashkëpunimin për të informuar opinionin publik dretë dhe saktë.

Planet për të ardhmen janë të shumta, por nëse do të zbuloheshin nuk do të paraqisnin risi për përvjetoret e ardhëshme.

Redaksia, për fund, shpreh faleminderim dhe konsideratën më të madhe për të gjithë ndjekësit tanë, falë të cilëve, sot jemi të etabluar në skenën e informimit të opinionit publik jo vetëm në Maqedoninë e Veriut.

Me shumë respekt dhe dashuri, REDAKSIA FLAKA