Gazetari i BBC-së e bindi Princeshë Dianën për intervistë

Gazetari i famshëm i Panorama, Martin Bashir, thuhet se i tregoi Princeshës Diana një vërtetim të rremë aborti të dados së saj, Tiggy Legge-Bourke. Kjo ishte një përpjekje joetike e tij për të bindur princeshën të jepte intervistën e famshme.

Sipas Daily Mail, Diana besonte se Princi Charles kishte një lidhje me Tiggyn dhe dyshonte se ajo ishte shtatzënë me fëmijën e Charlesit. Daily Mail raporton se për këtë çështje u nis një hetim nga sekretari privat i Mbretëreshës (dhe kunati i Dianës), Sir Robert Fellowes.

Ky lajm shqetësues duket se është zbuluar gjatë një hetimi të pavarur për intervistën e vitit 1995 të Dianas me Bashir, i cili – sipas një raporti të Sunday Times – krijoi gjithashtu vërtetime bankare të rreme për të manipuluar vëllain e Dianas që ta ndihmonte në negocimin e intervistës.

Gjykatësi Lord Dyson po zhvillon hetimin dhe thuhet se ka intervistuar 17 dëshmitarë.

Zbulimet e tij do të publikohen në muajt e ardhshëm, dhe sipas burimeve për Daily Mail, ato përfshijnë prova që Diana ndryshoi mendim për intervistën disa ditë para xhirimeve – dhe se vërtetimi i falsifikuar i abortit e ndihmoi atë ta bindte për të vazhduar me intervistën.

Princi William lëshoi një deklaratë të rrallë publike në lidhje me intervistën në nëntor të vitit të kaluar, duke thënë:

“Hetimi i pavarur është një hap në drejtimin e duhur. Kjo duhet të ndihmojë në përcaktimin e së vërtetës pas veprimeve që çuan në intervistën me Panorama dhe vendimet pasuese të marra nga BBC në atë kohë.”

Ndërkohë, një zëdhënës për BBC tha për People se: “Martin nuk do të bëjë ndonjë koment publik ndërsa hetimi po vazhdon. BBC nuk ka asnjë koment për të bërë në lidhje me këtë.”