Gërvalla takon Widinger e Bilek, diskutojnë për integrimet evropiane

Redaksia
Publikuar nga Redaksia 11 Nëntor, 2021 21:52

Gërvalla takon Widinger e Bilek, diskutojnë për integrimet evropiane

Shefja e diplomacisë kosovare Donika Gërvalla ka pritur sot në takim të përbashkët ambasadorin e Austrisë në Prishtinë Christoph Weidinger dhe udhëheqësin e Misionit të Republikës së Çekisë në Kosovë, Pavel Bilek.

Takimi vjen si vazhdimësi e iniciativës së grupit trepalësh Austri, Çeki dhe Sllovaki për të përfshirë vendet e Ballkanit Perëndimor në politikat, programet dhe aktivitetet e BE-së, në mënyrë që të avancojnë në rrugën drejt integrimit evropian.

Palët diskutuan lidhur me fushat në të cilat vendet e Ballkanit Perëndimor kanë nevojë për mbështetje më të madhe nga BE-ja. 

Në këtë kontekst u përmendën procese dhe projekte që u sjellin përfitime direkte qytetarëve siç është lëvizja pa viza në rajon, agjenda e gjelbër, transporti, inovacioni, programet për të rinj, arsimi dhe programet për shkëmbime, komunikimi strategjik, siguria dhe stabiliteti në rajon e shumë fusha të tjera.

Ministrja Gërvalla shprehu gatishmërinë e Qeverisë së Kosovës për të qenë pjesë aktive në iniciativat që i trajtojnë si të barabarta vendet e Ballkanit Perëndimor, ku është e përfshirë BE-ja dhe nga të cilat përfitojnë qytetarët.

Redaksia
Publikuar nga Redaksia 11 Nëntor, 2021 21:52
  • Ndiqeni faqen tonë në Facebook për lajmet më të fundit dhe për prodhimet tona më të reja multimediale.
  • Ndiqeni llogarinë tonë në Instagram me përmbajtje të veçantë dhe informuese – fotogaleri, video dhe infografika.
  • Abonohuni në kanalin tonë në Youtube për videove ekskluzive nga të katër anët e globit.
  • Ndiqeni llogarinë tonë në Twwiter për t’u informuar vazhdimisht për zhvillimet më të fundit në Maqedoninë e Veriut, në rajon dhe në botë.